Albistea entzun
Emakumeen aurkako indarkeriari ez
Emakumeen aurkako indarkeriari ez

CAFek autobus elektrikoaren alde egin du apustu, Solaris erosita

Poloniako autobus ekoizlea erosteko, 300 milioi euro inguru pagatuko ditu Beasaingo enpresak
Poloniako Solaris konpainiaren Urbino modeloa, hiri barrurako autobus elektrikoa.
Poloniako Solaris konpainiaren Urbino modeloa, hiri barrurako autobus elektrikoa. SOLARIS Tamaina handiagoan ikusi

Jon Fernandez -

2018ko uztailak 4

Trenen kontrol palankari bakarrik ez, CAFek sendo heldu nahi dio autobusen bolanteari ere, trenen eta autobus elektrikoen negozioak aldi berean gidatzeko. «Aurrerapauso handia» ematea erabaki du Gipuzkoako konpainiarik handienak, eta Poloniako Solaris erosi du, autobus elektrikoak egiten espezializatutako enpresa. «Tren arloaz harago joanda, CAFek hiriko mugikortasuneko irtenbideetan liderra sortuko du Solarisekin batera, bereziki, e-mugikortasunaren arloan», azaldu du Beasaingo konpainiako presidente Andres Arizkorretak, atzo ezagutarazitako ohar baten bidez. Erosketa 300 milioi euro ingurukoa izango da, eta CAF zorpetu egingo da Solaris bereganatzeko. Irailerako eragiketa ixtea espero dute, baina aurretik operazioa onartu beharko dute Poloniako eta Alemaniako lehia arloko agintaritzek.

CAFek 2013an sortu zuen autobusen adarra, Vectia Mobility. Trenak egiteko teknologia baliatuta, autobus hibrido eta elektrikoen hiriko sistemak hornitzea du xede Vectiak, zeinak Castejonen baitauka egoitza, Nafarroan.

Apustua hasi da emaitzak ematen: iaz, esaterako, Gasteizko hiriko hamar autobus hibrido hornitzeko kontratua sinatu zuen, 3,3 milioi eurokoa. Solarisen erosketa apustu sendoa da bidea urratzen jarraitzeko. Poloniako enpresa bereganatuta, CAFek mugikortasun elektrikoa eta atez ateko garraio multimodaleko zerbitzuak indartu nahi ditu, autobusen segmentuan merkatuko liderretako bat bihurtuz.

Sinergien onurak

Sektoreko lehiakiderik zuzenetako bat gertu-gertu izango du CAFek, autobus elektrikoen ekoizpenean buru-belarri baitabil Ormaiztegiko (Gipuzkoa) kooperatiba. Irizarrek 18.000 metro koadroko lantegia inauguratu zuen maiatzean, Adunan (Gipuzkoa), bertan mugikortasun elektrikoaren adarra garatzeko, hirietarako autobus eta kamioi elektrikoen modelo berriak sortzeko.

Solarisen erosketak, Arizkorretaren esanetan, agerian uzten du CAFen konpromisoa «modu errentagarrian hazteko», eta merkatu estrategiko berriak irekitzekoa. 2018rako aurreikuspen onak ditu CAFek: iaz 1.477 milioi euroren salmentak egin zituen (Solarisek 444 milioirenak), eta aurten bi digituko igoera espero du, Solarisek bezala.

Euskal konpainiak azaldu du Solarisen marka, merkatua, eskulana eta teknologia Vectia filialak azken urteetan hiriko garraio irtenbide hibridoekin eta elektrikoekin lotuta egindako lana osatzeko erabiliko dela: «Solarisekin adostutako akordio horrek hazten ari den merkatuan produktuen gama osoa eta zabalena eskaintzeko aukera emango du».

Sinergiei esker, CAFek uste du bezeroei eskaintza osoagoa eman ahal izango diela, eta finantza eta teknologia arloko gaitasun handiagoa izango duela lizitazioei eta garapen teknologikoei (I+G) aurre egiteko garian.

Solaris 1996an sortu zen, eta 32 herrialdetako 700 hiritarako baino gehiagotarako egin ditu autobus arruntak eta elektrikoak. Iaz, 444 milioi euro inguru fakturatu zituen; Polonian bi produkzio lantegi dauzka (Bolechowo eta Sroda herrietan), eta 2.300 langile baino gehiago. Solarisen zuzendaritzak argudiatu du CAFen erosketa «bermea» dela bertako langileen etorkizunerako.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Merkataritzako langileak greban, Donostiako San Martin merkatal zentroan. ©Maialen Andres / FOKU.

Merkataritzako langileek greba egin dute gaur Bizkaian eta Gipuzkoan

Iñaut Matauko Rada

Soldatak KPIaren arabera igotzeko eta igande eta jaiegunetan lanik ez izateko eskatu dute. Salatu dute sektoreko langile asko eta asko lanaldi partzialean ari direla.

 ©RAUL BOGAJO / @FOKU

Lan itunaren aurkakoek egoera irauli dute Mercedesen, eta argi irabazi

Aitor Biain

ELAk bederatzi ordezkari eskuratu ditu, aurretik baino bi gehiago, eta UGTri hiruren aldea ateratzen dio orain. LAB eta ESK sindikatuek ere ordezkari bana irabazi dute

CCOO, LAB eta UGTren manifestazioa, Bizkaiko metalgintzaren hirugarren greba egunean. ©Oskar Matxin Edesa / Foku

Azken negoziazioak huts egin ondoren, grebarako deia Bizkaiko metalgintzan

Iker Aranburu

Sindikatuek ez dute onartu FVEMen azken proposamena. Patronalak salatu du CCOOk, LABek eta UGTk ez dutela Bizkaian onartu nahi Araban sinatu zuten ituna hobetzen duen eskaintza.

<em>Black friday</em> eguneko iragarkia, Bilboko Kale Nagusiko denda batean. ©OSKAR MATXIN EDESA / FOKU

Kontsumo merkea, garesti

Olatz Silva Rodrigo

Egun bakarra izateari utzi, eta hilabete osoa da orain black friday. Aukera ona izan daiteke bezeroek produktuak merkeago eros ditzaten. Hala ere, saltzaile batzuen arabera, AEBetatik etorritako kanpainak kalte ugari sor ditzake.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...