Noiz sortua: 2019-04-04 00:30:00

Genero indarkeriaren biktima izaera egiaztatzeko irizpideak adostu dituzte

Estatu itunak agindutako ehun milioi euroak banatuko ditu Madrilek, baina Jaurlaritzak eta Nafarroako Gobernuak ez dute dirurik jasoko
Berdintasunerako Biltzar Sektoriala, atzo, Madrilen.
Berdintasunerako Biltzar Sektoriala, atzo, Madrilen. LUCA PIERGIOVANNI / EFE Tamaina handiagoan ikusi

Maite Asensio Lozano -

2019ko apirilak 4

Aspaldiko asmoa zen, baina idatziz jaso dute oraingoan: bikotekideak edo bikotekide ohiak egindako indarkeria jasaten duten emakumeek ez dute bortizkeria hori salatu behar izango biktima izaera aitortu eta erakunde publikoen laguntzak jasotzeko. Horretarako irizpideak adostu eta onartu zituzten atzo Espainiako Gobernuko eta autonomia erkidegoetako ordezkariek, Berdintasunerako Biltzar Sektorialean.

Orain arte, bi modutara egiaztatu izan dute andreek tratu txarrak jasaten zituztela: epai baten bidez, edo fiskalaren txosten baten bidez —zantzuen berri ematen zuena—. Gobernuak abuztuan onartu zuen biktima izaera egiaztatzeko bide gehiago jartzea, salaketarik edo prozedura judizialik martxan ez duten kasuetarako. Izan ere, genero indarkeriaren biktimen %65ek ez dute euren egoera salatzen, 2015ean emakumeen aurkako indarkeriari buruz Madrilek eginiko makroinkestaren arabera.

Orain arte, ordea, neurri hori gauzatzeko prozedurak eta tresnak ez dituzte diseinatu. Funtsean, irizpideak bateratu dituzte, eta estatu osoan baliagarria izango den eredu bakar bat ezarri dute. Egiaztatze lan horretan, kontuan hartuko dituzte hainbat txosten, batik bat genero indarkeria jasaten duten andreentzako zerbitzu espezializatuetako adituek edo gizarte zerbitzuetakoek egindakoak. 2004ko lege organikoan jasotako lan eskubideak eta laguntzetarako sarbidea aitortuko dizkie andreoi egiaztagiri horrek.

Diru banaketa

Bestalde, indarkeria matxistaren aurkako estatu itunak agindutako ehun milioi euroak banatzeko irizpideak ere eztabaidagai izan dituzte bileran. Asmoa da diru hori biktimen arretarako zerbitzuak hobetzera bideratzea, baita sentsibilizazio kanpainak sustatzera eta koordinazio protokoloak hobetzera ere. Eusko Jaurlaritzak eta Nafarroako Gobernuak ez dute dirurik jasoko, finantzaketa sistema propioak dituztelako, baina ez dira bat etorri erabaki horrekin. Harreman Instituzionaletarako Nafarroako kontseilari Ana Ollok adierazi du estatu itunak emandakoa «ezohiko finantzaketa» dela, eta Nafarroak ere jaso behar lukeela. Antzera mintzatu da Izaskun Landaida Emakundeko zuzendaria: EAEk laguntzarik jaso behar lukeen aztertzeko eskatu dio biltzarrari.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Lanbideren Gasteizko bulego bat, itxita ©Luis Jauregialtzo, Foku

Munduko bortz gaztetatik batek lana galdu du pandemia hasi zenetik

Berria

Lanaren Nazioarteko Erakundearen arabera, koronabirusak eragindako krisiak bereziki eragiten die gazteei. Lana duten gazteen %23ri lan orduak murriztuko dizkiete. Erakundearen arabera, emakumeak ari dira bereziki pairatzen krisiaren ondorioak. 

Ursula von der Leyen, artxiboko irudian, ©OLIVIER HOSLET / efe

Bruselak 750.000 milioi euroko funtsa proposatu du

Iker Aranburu

500.000 milioi laguntza zuzenak izango lirateke, eta beste 250.000 milioi, maileguak. Ekonomia «modernizatzea» izango da dirua jasotzeko baldintza.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna