Noiz sortua: 2019-10-17 00:30:00

Enpresetan euskara sustatzeko araudia egin du Baionako Ganberak

Ingurumen eta gizarte erronkei erantzuteko neurri batzuk proposatu ditu. Langileak enpresen barruan «inplikatzea» da helburua
JOANES ETXEBARRIA / BERRIA Tamaina handiagoan ikusi

Oihana Teyseyre Koskarat -

2019ko urriak 17

Ipar Euskal Herriko berrogeita hemezortzi enpresa batu dira Lantegiak elkarteak bultzaturiko proiektuan. Baionako Merkataritza Ganberaren barruan abiatu dute dinamika berria. EGE Enpresen Gizarte Erantzukizunerako araudia plantan ezarri dute; enpresa bakoitzak izenpetu du eta «engaiamendu konkretuen bidez» egingo dela adierazi du Lantegiak elkarteko idazkari Pantxoa Bimboirek. Araudi horrek «tokian tokiko errealitatea» kontuan hartzea du helburu, gizartearen eta ingurumenaren erronkei erantzuteko. Atal ezberdinak dauzka, eta enpresa bakoitzak ahal duen heinean bete behar ditu neurri bereziak.

Gizarte arloan, euskararen tokiaz hausnartu dute eta hizkuntzaren erabilpena sustatu nahi dute EGEren bidez. Adibidez, Caroline Phillips enpresaburuak urte bateko formakuntza pagatzen die euskara ikasi nahi duten langileei. Emile Negeluak ere euskara sustatu nahi du Studio Waaz komunikazio enpresan: «Guk Seaskatik ateratzen diren bi ikasle enplegatu ditugu, adibidez. Gure langileen erdiek baino gehiagok euskaraz egiten dute, eta guretzat garrantzitsua da euskara lan hizkuntza izatea».

Enpresen elkarlana

Negeluarekin bat egin du Beñat Elkegarai enpresaburu zuberotarrak: «Aurten proposamen handi bat egin diegu gure langile guziei, jakiteko euskara ikasi edo arra-ikasi nahi zutenez: gehienak interesatuak dira». Elkar Robotika enpresaren buru da; Maulen du lantegi nagusia, baina Ordizian (Gipuzkoa) ere badu egoitza. Langileen artean euskaraz ari direla nabarmendu du: «Afektiboki eta kulturalki ontsa da sentitzea lurraldearekin lotuak garela, eta kanpoko jendeari erakusten dio euskara ikasi beharko duela».

Hizkuntzaren atalaz gain, «lurraldeko kapitalean inbertsioak» egitea eskatzen du EGEk. Enpresen arteko elkarlana bultzatu nahi du salerosketen bidez, eta tokiko ekinaldietan parte hartuz.

Enpresen «aberastasunen partekatzearen» alde ere agertu da Lantegiak dinamika. Enpresa bakoitzak ahal duen heinean lan sarien emendatzea segurtatu behar du; gutxieneko lansariaren %5, hasieran.

Enpresaren kapitala langileei irekitzea ere hobesten dute, langileak «aktiboago eta inplikatuago izan daitezen». Elkegaraik dio belaunaldi berriak erakartzeko balio duela horrek: «Erabakiak partekatu behar dira, langileek sentitu behar dute aktore direla. Gure arteko ezberdintasuna behar da txikitu. Uste dut gazteek dinamika hori sentituko dutela, horretarako ingurumenaren zaindari ere izan behar dugu».

EGE araudiak ingurumenaren zaintza ere sustatu nahi du. «Adibidez tokiko hornitzaileengana jo dezakegu» azaldu du Phillipsek. Bestalde, «eguneroko jestu txikiak zaintzeko» deia egin dute; birziklapena, energia gastuen apaltzea eta garraio publikoen erabilpena aipatu dituzte, besteak beste. Beste neurri batzuk nabarmendu dituzte, hala nola mezenasgo kulturala, preso ohien birgizarteratzea eta elbarrien laguntzeko egiturak segurtatzea.

Plana hiru urtekoa da, eta zikloaren amaieran, auto ebaluazio fase bat irekiko dute. Araberan, EGE xarta egokitzea pentsatu dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna