Albistea entzun

Hazia sustraitu dadin

Euskal errugbi ligaren aurreneko aldia jokatuko da uda honetan. Gipuzkoa, Bizkai eta Lapurdiko eliteko zazpi talde ariko dira
Ligako antolatzaileen ordezkariak, eta parte hartuko duen talde bakoitzeko jokalari bat —Angelu falta da—.
Ligako antolatzaileen ordezkariak, eta parte hartuko duen talde bakoitzeko jokalari bat —Angelu falta da—. J. C. R. /FOKU Tamaina handiagoan ikusi

Imanol Magro Eizmendi -

2019ko uztailak 30 - Donostia

Euskal Herriko errugbiak txapelketa bateratua izango du uda honetan. Lurralde ezberdinetako taldeak elkarren aurka modu antolatuan jokatzen ikustea aspaldiko nahia zen, eta azkenean lortu da. Lau asteko liga motza izango da, zazpi talde izango dituena bi multzotan banatuta, eta txapelduna irailaren 7an Ordizian jokatuko den finalean ezagutuko duena. «Proiektu pilotu bat da, baina hazi bat ereiten ari garela pentsatu behar dugu». Bingen Zupiria Jaurlaritzako Kultura eta Hizkuntza Politikako sailburuak horrela deskribatu zuen ligaren hasiera atzo Donostian eginiko aurkezpen ekitaldian.

Euskal ligak urtean zehar Top 14, Pro D2, Federal 1 eta Ohorezko Mailako bi mailetan aritzen diren taldeak elkartuko ditu. A multzoan, Baiona, Hernani eta Getxo ariko dira. B multzoan, aldiz, Miarritze, Angelu, Ordizia eta Bera Bera. Teorian, Baionak eta Miarritzek maila askoz hobea dute, baina liga honetan espoirs delakoak erabiliko dituzte. Iñaki Laskurain Euskadiko federazioko presidenteak argitu zuen nola osatzen diren. «23 urtez azpiko taldeak dira, eta normalean lehen taldeko ordezkoak edo lesioren batetik itzuli diren profesionalak gehitzen zaizkie. Gazte horietako asko, gainera, lehen taldean aritutakoak dira».

Euskal Jaurlaritzak, Akitania-Euskadi-Nafarroa Euroeskualdeak, eta Euskadiko, Nafarroako eta Ipar Euskal Herriko (Errgubi 64 departamentu batzordea) errugbi federazioek antolatu dute liga. Ez da lan erraza izan; txapelketa erritmo ezberdina duten taldeak dira, eta egutegia bateratzea izan da zailena. Horregatik dira hiru eta lau taldeko multzoak, eta bina jardunaldiko ligaxkak. «Presaka ibili gara, baina eredua finkatuz eta perfekzionatuz joatea da asmoa. Lehen aldia da zailena. Aurrerago, emakumezkoen liga eta gizonezkoen bigarren maila bat sortu nahiko genuke», aurreratu zuen Laskurainek.

Ligako egutegiari dagokionez, abuztuaren 17an hasiko da Getxo eta Baionaren arteko partidarekin, eta haren osteko larunbatetan garatuko da. Partiden artean bi nabarmendu daitezke, kokagunearengatik. Angelu eta Ordiziaren arteko partida Lekarozen jokatuko da, Baztan taldearen zelaian. Miarritze eta Ordiziaren artekoa, berriz, Aguileran. Miarritzeren lehen taldearen eta Vannesen arteko Pro D2ko partidaren aurretik jokatuko da Euskal Ligakoa.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Euskal selekzioko jokalariak, 2017an, Txekiako Errepublikari sartutako gola ospatzen. Ipuruan jokatu zen neurketa hura. ©JUAN CARLOS RUIZ / FOKU

Aldarrikatzeko eta gozatzeko

Ainara Arratibel Gascon

Euskal selekzioak Txileren aurka jokatuko du, abenduaren 20an, Mendizorrotzan. Juanjo Arregi izango da selekzioaren hautatzaile berria, eta ondoan izango ditu Ainhoa Tirapu eta Sandra Ramajo
Dominik Livakovic Kroaziako atezaina, Japoniak jaurtitako penaltietako bat geratzen. ©FRIEDEMANN VOGEL / EFE

Amets handi baten zaindariak

Eñaut Agirrebengoa

Atezainen esku egoten da, hein batean, Munduko Kopa irabazteko giltza. Hala, ohi baino arreta handiagoa erakartzen dute. Qatarren «bikaintasunetik gertu» dabiltza, Juan Carlos Unzueren ustez.
Bi finalistak, atzo goizean, Zornotzako pilotalekuan egindako aurkezpenean. ©EMAKUME MASTER CUP

Lagunartekoa bainoago, lagunen arteko finala

Beñat Mujika Telleria

Finalerdiak aise irabazi ostean, garai bikainean iritsi dira Amaia Aldai eta Olatz Arrizabalaga Lau eta Erdiko Emakume Master Cup Txapelketako finalera. Larunbatean jokatuko da finala, Zornotzan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...