Albistea entzun
Emakumeen aurkako indarkeriari ez
Emakumeen aurkako indarkeriari ez

Ezin du hutsik egin

Alaves salbazio postuetara hurbiltzen ahaleginduko da gaur Getaferen aurka; sei puntura du. Mendilibarrek eskuragarri ditu jokalari guztiak

Eñaut Agirrebengoa -

2022ko otsailak 26

Hamahiru jardunaldi gelditzen dira oraindik gizonezkoen Lehen Mailako liga buka dadin. Talde gehienei arrotza zaie oraindik final hitza. Alavesentzat, ordea, baliteke gaur azken aukera izatea mailari eusteko borrokan bizirik jarraitzeko. Salbazioaren langa Granadak ezartzen du oraintxe, Alavesek baino lau puntu gehiagorekin. Sei gehiago ditu Getafek, eta haren zelaian ariko da gaur Jose Luis Mendilibarren taldea. Irabazita, hauspotu egingo luke denboraldiko helburua betetzeko esperantza; galduz gero, baina, mirariaren zain gelditu beharko luke jaitsieratik libratzeko.

Nortasunez jokatzeko garaia da. Hala aldarrikatu zuen atzo Mendilibarrek: «Gu geu izan behar dugu, eta ausart jokatu. Etxetik kanpo ariko gara, baina ez diogu horri erreparatu behar». Ez da erraza, Alaves penagarri baitabil etxetik urrun. Mendilibarrekin oraindik ez du punturik lortu bisitari moduan, eta ligan, urriaren 23koa du azken garaipena 0-2 irabazi zion Cadizi. Gainera, gotorleku bat eraitsi beharko du gaur. Izan ere, Quique Sanchez Floresek etxean garaiezin bihurtu du Getafe: zazpi partida daramatza bere zaleen aurrean galdu gabe. Hori gutxi balitz bezala, Alavesek ez du inoiz zelai horretan Lehen Mailako partidarik irabazi. Oso erronka zaila da.

Ez da ezinezkoa, ordea. Real Madrilen zelaian itxura duina emanda dira arabarrak, eta Mendilibarrek ondo daki zer egin behar duten emaitza hobeak lortzeko: «Oldarkorragoak izan behar dugu, eta aurkariaren zelaian baloi gehiago berreskuratu. Nahi dugun horretan sinesteko ausardia falta zaigu. Aurrelariek sentitu behar dute atzekoek ere estutu egingo dutela». Jabetza goian bereganatzeak berebiziko garrantzia izango du gaur, Alaveseko teknikariaren aburuz: «Aurkariaren zelaian jokatzea eta baloia galdu orduko lapurtzea nahiko nuke. Presioan haiek baino hobeak izan behar dugu».

Azken asteetan, esperientziaren alde egin du apustu zaldibartarrak. Elitean zailduen daudenak ari da zelaian ipintzen. «Halako jokalariekin hitz egiteak lasaitasuna ematen dizu, aurrez ere egoera zailetan aritu direlako. Eskarmentuak gauzak ongi egiten lagun diezaguke». Laguardia da jokalari horietako bat, eta, zigorra bete ondoren, hasieratik ariko da gaur, Miazgaren kaltetan. Hamaikakoan ez da beste aldaketarik espero: zelai erdian, finko bihurtu dira Loum, Pina eta Escalante, hegaletan Rioja eta Jasonekin gertatzen den bezala. Alavesek aurrelari bakarrarekin jokatzen badu, zalantzarik ez dago Joselu izango dela. Ez alferrik, hamabi gol baitaramatza.

GETAFFE-ALAVES
Getafe. David Soria; Damian, Djene, Mitrovic, Cuenca, Jankto; Maksimovic, Arambarri, Aleña; Enes Unal eta Borja Mayoral.
Alaves. Pacheco; Tenaglia, Laguardia, Lejeune, Ruben Duarte; Escalante, Tomas Pina, Loum; Jason, Rioja eta Joselu.
Epailea. Jaime Latre.
Lekua. Alfonso Perez Koliseoa (17.000 ikusle).
Ordua. 16:15 (Movistar LaLiga).

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Antoine Griezmann eta Kylian Mbappe, Frantziaren atzoko partidako bi izarrak, irribarrez elkarri eskua ematen. ©JOSE SENA GOULAO / EFE

Hautagaitza aurkeztuz

Beñat Mujika Telleria

Frantziak partida ederra egin du Danimarkaren aurka, baina nahi baino gehiago sufritu du azkenerako. Argentinak lehen jardunaldiko arantza atera du
Thomas Mueller Alemaniako aurrelaria, Hansi Flick hautatzaileari bostekoa ematen Japoniaren aurkako partidan. ©RUNGROJ YONGRIT / EFE

Garai batekoen aldean, antzu

Eñaut Agirrebengoa

Gaur egungo aurrelaririk ez dago Munduko Kopako golegile nagusien artean. Orain arte, soilik Thomas Muellerrek gainditu du hamar goleko langa.
 ©RONALD WITTEK / EFE

Qatar, potentzia izan nahi zuen emirerri txikia

Ricard Gonzalez

Diktadura absolutista bat ezarria dute Qatarren. Oso azkar garatu da azken urteetan, atzerriko langileen esplotazioari esker. Anbizio handia du nazioartean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...