Albistea entzun

«Betiko ilusioz»

Realak Real Madril liderraren zelaian jokatuko du; gailentzea du xede. Imanol lau aldiz aritu da han entrenatzaile gisa; behin bakarrik galdu du
Rafael atzoko entrenamenduan, Zubietan. Gaurko osatua da brasildarra.
Rafael atzoko entrenamenduan, Zubietan. Gaurko osatua da brasildarra. REALA Tamaina handiagoan ikusi

Jon Ander De la Hoz -

2022ko martxoak 5

Realak Santiago Bernabeun jokatuko du gaur. Makina bat urtetan hamaika golekin itzuli da handik. Sarri, ilusio handiz joan izan da Real Madrilen estadiora, jipoituta itzultzeko. Hori ez da oztopo; oraingoan ere grinatsu joango dira txuri-urdinak: «Betiko ilusioz eta betiko anbizioz. Ni betiko gogoz noa, eta helburua betikoa izango da: irabaztea». Madrilez aritzean, hitz horiek zentzua hartzen dute hizlaria Imanol Alguacil denean.

Izan ere, jokalari zela, Realak Imanolen gol batekin irabazi zuen han, 1994an [0-2]. Entrenatzaile denetik ere ondo moldatu da zurien etxean: lau alditan aritu da, eta behin galdu du. 2019ko urtarrilean 0-2 nagusitu ziren donostiarrak; 2020ko urtarrilean, balentria egin zuen Espainiako Kopan irabazita (3-4). Joan zen sasoian, Valdebebasen jokatutako ligako neurketan gertu izan zuen garaipena, baina espainiarrek azken orduan berdindu zuten partida (1-1).

Aurrekari horiekin, Imanolek baditu baikorra izateko arrazoiak. Aldarte horrekin abiatuko du liderraren aurka jokatuko duten neurketa ere. Hala adierazi zuen atzoko prentsa agerraldian: «Batik bat, jokalariengatik, haiek badakitelako nola jokatu behar diren halako partidak. Ez da erraza han irabaztea, eta guk, zorionez, baditugu han birritan irabazi duten jokalariak».

Hori nola lor dezaketen galdetuta, Imanolek dio Real Madrilek ez duela erraztasunik eskainiko: «Aukera gutxi ematen ditu, eta aprobetxatu beharko ditugu». Espainiarrek ez dute galdu etxean; lau aldiz berdindu dute, eta gainontzeko denak irabazi egin dituzte.

Rafael eta Zaldua, prest

Realak sei hutsune izango ditu partidarako, baina Joseba Zaldua eta Rafael Alcantara berreskuratuko ditu. Bi-biak prest daude iluntzerako. Baita Mikel Merino ere: iruindarrak arazoak ditu oin batean, eta atzo ez zen entrenatu, baina deialdian sartu du Imanolek. Jon Ander Olasagasti eta Unai Marrero daude berritasunen artean.

Adnan Januzaj, berriz, zerrendatik kanpo geratu da. Belgikarrak taldearekin batera osatu zuen atzoko lan saioa, baina, azken asteetako etenaren ostean, oraindik ez dago jokatzeko moduan.

REAL MADRIL-REALA
Real Madril. Courtois; Lucas, Militao, Nacho, Mendy; Camavinga, Casemiro, Modric, Asensio, Benzema, eta Vinicius.
Reala. Remiro; Aritz, Le Normand, Pacheco, Gorosabel; Zubimendi, Merino, Silva; Oiartzabal, Portu eta Isak.
Epailea. Gil Manzano.
Lekua. S. Bernabeu (81.044 ikusle)
Ordua. 21:00 (Movistar La Liga).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ondarroako arraunlariak arraunak gora, eta Iñigo Larrinaga patroia banderarekin, atzo, herrian, garaipena zaleekin ospatzen. ©ARITZ LOIOLA / FOKU

Ametsa baino hobea

Aitor Manterola Garate

Ondarroak etxean irabazi du Eusko Label ligako estropada, lehen txandatik. Marea eta haize aldaketa, eta itsaslaster handiak erabakigarriak izan dira
Orioko eskifaia poz betean atzo, Ondarroako estropada irabazi berritan. ©ARITZ LOIOLA / FOKU

Oriok gaur bertan irabaz dezake Euskotren liga

Aitor Manterola Garate

Nahikoa izango du Arraun Lagunaken aurretik sailkatzea Castro Urdialesen, atzo Ondarroan bederatzigarren estropada irabazi eta gero

 ©ARITZ LOIOLA / FOKU

«Denboraldi hau niretzat azkena balitz bezala gozatuko dut»

Pettan Uralde

Hamalaugarren denboraldia du De Marcosek Athleticen, eta egunez egun gozatzeko ideiarekin ekin dio sasoi berriari. Guardiako jokalariak Europan kokatu du taldearen helburua, eta lortuko dutelakoan dago.
<b>Mikel Larrañaga, iaz, Urrezko Kopa irabazi berritan.</b> ©IÑIGO URIZ / FOKU

Sei aizkolari ariko dira bihar Donostian, Urrezko Kopa xede

Berria

Aurrez kanporaketa gainditutako kirolariek udako garaikur nagusia izango dute jokoan, 19:30ean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...