Albistea entzun

Uste baino lehen, agur

Eurokopatik kanpo geratu da Gernika, Flammesen kontra 56-58 galdu ostean. Bizkaitarrek 20 baloi galdu dituzte, eta hor egon da gakoa
Itziar Ariztimuño Gernikako jokalaria baloia babesten Flammeseko jokalarien aurrean.
Itziar Ariztimuño Gernikako jokalaria baloia babesten Flammeseko jokalarien aurrean. ARITZ LOIOLA / FOKU Tamaina handiagoan ikusi

Ainara Arratibel Gascon -

2021eko abenduak 2

Gernikak bosgarren parte hartzea zuen sasoi honetan Eurokopan. Aurreko aldietan mugarriak ezarriz joan zen denboraldiz denboraldi. Oraingoan, ordea, ezingo du hori egin. Izan ere, atzo galdu egin zuen Malosten, Flammes Caroloren kontra (56-58), eta Virtus Bolognak ezustea eman zuen Roche Vendeeren pistan (63-67). Horrenbestez bizkaitarrek laugarren lekuan amaitu dute beren multzoan, eta kanpoan dira.

Multzo gogorra zuen Gernikak, eta atzoko amaiera ere halakoa izan zen: zertxobait krudela. Bizkaitarrek ondo gogoan izango dute oraindik ere atsedenaldirako txirrina jotzear zela Flammesek urrutitik sartutako hirukoa. Baina Mario Lopez tekinkariak argi esan zuen neurketa amaieran. «Ez dugu partida ona jokatu, eta, etxeko partida guztiak galduta, oso zaila da multzo batean aurrera egitea». Atzoko porrotaren gakoak hiru izan ziren. Lehena, baloi galerak: 20. Bigarrena, azken minutuetan, alde txiki bat zutenean, ez zuten saskiratzen asmatu. Eta, hirugarrena, erasoan ez zioten baloiari atzoko partidak eskatzen zuen abiadura eman, eta egungo saskibaloian hori funtsezkoa da. Mario Lopezen taldeari falta ez zitzaiona, lana izan zen. Talentua eta bakarkako jokaldietan jokalari erabakigarriak baditu, eta atzokoan agertu ziren: Moore, Bjorklund eta Buch, adibidez. Baina hasieratik jabetu ziren bizkaitarrak atzoko partida parekatua izango zela, eta irabazi nahi zuenak lan eskerga egin behar zuela. Hala egin zuen. Lopezek hori aitortu zien jokalariei.

Ez zuen nolanahiko aurkaria Gernikak. Izan ere, iragan denboraldian, Valentzian burbuilan jokatutako multzo fasean gainditu egin zuen arren, azkenerako Flammes Carolo txapelketako Lauko Finalera iritsi zen. Valentziaren aurka galdu zuen finalerdietan, azkenean titulua irabazi zuen taldearen aurka.

Parekatua izan zen partida. Bi taldeak hobeto moldatu ziren defentsan erasoan baino. Neurketako alderik handiena Gernikak izan zuen. Zazpi puntuz egon zen aurretik lehen laurdenean: 15-8. Baina azkenean 15-13 amaitu zen laurden hori.

Frantziarrek txapelketa osoan zehar erakutsi dute ez dutela erreparorik urrutitik jaurtitzeko. Eta horri esker jarri ziren aurretik partidan. Baina gehienez hiruzpalau punturen aldea lortu zuten. Tima Pouye eta Nia Coffeyek sartutako saskiratzeei ondo erantzun zien, gainera, Bjorklundek. Bera izan zen erasoan onena, Moorekin batera. 28-28 amaitu zen lehen zatia.

Bide beretik segitu zuen hirugarrenak. Dena geratu zen erabakitzeko azken laurdenean. Sufritzen jakin zuen hor Gernikak, aurretik joan arren frantziarrak ez baitziren gai izan hiru puntu baino gehiagoren aldea lortzeko: 49-52

Gernikak pizgarri bat behar zuen, eta Buchen barneraketei esker iritsi zen. Bi minutu falta zirenean lau puntuko errenta zuen: 56-52. Bazirudien eskura zuela neurketa. Baina ez zen hala izan. Ez zuen alde hori handitzea lortu, eta frantziarrek partidan sartuta jarraitu zuten. Minutu eskas falta zenean baloi bat galdu, eta Itziar Ariztimuñok kirolez kontrako falta egin behar izan zuen. Hor erabaki zen lehia. Partida berdintzeko aukera izan zuen, baina oraingoan ere galdu egin zuen baloia.

Hemendik aurrera ligan jarri beharko du arreta osoa Gernikak. Asteburuan partida zaila du, Gironaren pabiloian. Baina altxatzea besterik ez zaio geratzen hemendik aurrera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Oilar bat, eta hautagai asko

Oilar bat, eta hautagai asko

Beñat Mujika Telleria

Gaur hasiko da Espainiako Vuelta, Utrechten. Roglic da faborito nagusia, baina lesio batetik atera berri da. Aurten bi etapa amaituko dira Euskal Herrian, eta hirugarren bat Bilbotik abiatuko da
 ©JUANJO OTAZU
 ©JAIZKI FONTANEDA / FOKU

«Utzita etor nintekeen, baina nahiago nuen Realarekin etetea»

Iñaki Berastegi

Alavesen aurreneko denboraldia du Jon Guridik. Erronka «polita» dela uste du erdilari azpeitiarrak, nahiz eta aitortu duen hasieran «atzera eragiten» ziola Espainiako Bigarren Mailan jokatzeak.
Hondarribia, Urdaibai, Cabo eta Castro, Bermeon, 2003ko irailaren 20an, TKE ligan. ©RAUL BOGAJO/ FOKU

Bare bezain bizi

Aitor Manterola Garate

Traineruen Kluben Elkartearen (TKE) liga 20 urte ari da betetzen aurten. Arrauna «modernizatu» du, eragile batzuen ustez. Bide «okerretik», doa besteren aburuz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...