Esperientzia jakinduria da

IDK-k irabazi egin dio Gernikari (60-50). Sarr eta Gladkovaren azken uneko lanak erabaki du
Cousseins Smith ihes egin nahian Corneliusi, atzoko partidan.
Cousseins Smith ihes egin nahian Corneliusi, atzoko partidan. JON URBE / FOKU Tamaina handiagoan ikusi

Aitor Manterola -

2020ko azaroak 20

IDK Euskotrenek harrapatu egin du Lointek Gernika Lehen Mailako sailkapenean: seina garaipenekin daude orain, hamabina partida jokatu ondoren. Atzo, bien arteko derbia Donostian geratu zen (60-50). Gorabeheratsua izan zen, oraintxe talde bat aurretik, bestea ondoren, eta ez da saskibaloiaren historiara pasatuko, elkarri ez jokatzen utzi nahian oinarritu zelako jokoa. Hamar punturen aldeak ez du adierazten izaniko parekotasuna, baina azken sei minutuetan, 16-1eko partziala sartu zion Azu Muguruzaren taldeak Mario Lopezenari.

Partidaren historia nagusia josten duten istorio txikiak bai izan ziren nabarmentzekoak. Atzo, Donostiako taldeko bi jokalari eskarmentudunek idatzi zuten. Azkenera. Aurreko minutu guztietan, orrialdea ia zuri eduki zuten Iullia Gladkovak eta Toch Sarrek. Errusiarra gaizki ari zen, eta Muguruzak prest zeukan aldaketa. Partida amaitzeko bost minutu baino gutxiago falta ziren. Baina sartu zuen saskiratze bat, eta pistan utzi zuen entrenatzaileak. Handik aurrera, erabakigarria izan zen: kanpotik barrura sartzen hasi zen, laguntza erakartzen eta asistentziak banatzen. Eskarmentua duen beste bat ederki elikatu zuen: Sarr. Horrek ere partida akabera biribila egin zuen, lehenago gutxi nabarmendu bazen ere.

Beteranoek badute esperientzia, eta esperientzia jakinduria da. Horrelako jokalariak gai dira minutu askotan azaldu ez, eta garai erabakigarrietan partidaren jabe egiteko. Atzo Gladkovak eta Sarrek egin zutena, beste beterano baten laguntzarekin: Joyce Meganue Cousseins Smith joko antolatzailea. Hiruko erabakigarri bat sartu zuen, IDKri lau punturen aldea emateko 37. minutuan. Gazteek ere izan zuten zer kontatu: Maria Eraunzetamurgilek defentsako zortzi errebote hartu zituen, eta Kulibalyk 13 puntu sartu eta 12 errebote jaso.

Gernikakoen artean, Belen Arrojoren hemezortzi puntu baziren garaipenaren istorio handia idazteko nahiko baliabide, baina taldearen azken uneko kamustasunak loria kendu zion.

Araskik galdu egin du

Kutxabank Araskik galdu egin zuen atzo Mendizorrotzan, Valentziaren aurka: 57-60. Lehen laurdenean alde handia hartu zuten kanpotarrek, 14 punturena, eta etxekoen erreakzioa ez zen aski izan gero.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Lau eta erdikoan ariko diren pilotariak, Jokin Altuna izan ezik. Amezketakoa ez zen izan atzo Miribillako frontoian egindako aurkezpenean. ©ARITZ LOIOLA / FOKU

Egoerara egokitutakoa

Julen Etxeberria

Larunbatean hasiko da lau eta erdikoa, eta banakakoaren lehiaketa sistema izango du: lau asteburutan jokatuko da, kale edo bale egiteko partidetan. Finala, 27an
Joselu eta Lucas Vazquez elkar besarkatzen, Joseluk Real Madrili sartutako golaren ostean. ©CHEMA MOYA / EFE

Piztiak aske dabiltza berriro

Eñaut Agirrebengoa

Bolada onean dabil Alaves, Lucas Perezen eta Joseluren susperraldiak hauspotuta. Kamuts hasi zuten liga, baina lau gol egin dituzte azken hiru lehietan. Iragan sasoiko 22 goleko langa dute jomugan.
 ©AITOR BOUZO / SASKI BASKONIA

«Nire ibilbideko denboraldirik onena egiten ari naiz»

Aitor Manterola

Hegal-pibota. Hori azaltzen da italiarraren definizioan. Jar zezakeen hau ere: ondo moldatzen da ia denean, eta Ivanovicen gustukoa da. Ondo jokatzen dabil, «garrantzitsu» sentiarazten baitute.
 ©JAZKI FONTANEDA / FOKU

«Beltzok oraindik borrokan segitu behar dugu gure eskubideak izateko»

Aitor Manterola

Badaki zertaz ari den: «AEBetako Hegoaldeko estatu batekoa naiz, eta arrazakeria handia da». Hamar urte dira Europan jokatzen hasi zela; gehienak Euskal Herrian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.