Albistea entzun

EKOGRAFIAK

Nik salatu, Nik ikertu, Nik epaitu

Juan Luis Zabala -

2021eko maiatzak 26

Honela mintzo da Altsasuko kasuaren harira epaitutako baten ama Amets Arzallus eta Marc Parramonen Altsasu (gau hura) dokumentalean: «Ia frogarik onartzen ez diguten epaiketa batera goaz, lekukoak baztertu dizkigute, eta epaimahaiko burua Espejel andrea da, Guardia Zibileko goi-agintari baten emaztea, bera ere Guardia Zibilak kondekoratua. Beraz, Guardia Zibilak salatu, ikertu eta epaituko gaitu». Nik salatu, Nik ikertu, Nik epaitu... Horrek segida posible bakarra zuen: Nik zigortu. Halaxe kasu honetan ere. Eta nola zigortu!

Epaituetako batek honako hau dio: «Ez dut uste epaile bat, edo fiskal bat, edo politikari bat ados dagoenik niri, adibidez, egin ez dudan zerbaitengatik, 50 urteko kartzela-zigorra ezartzearekin. Ez dut hori pentsatu nahi. Beren etxean zalantzak izango dituztela espero dut».

Dokumentalean jasotako lekukotasun argigarri ugarietako bi baino ez dira bi horiek. Lekukotasun horietan eta dokumentaleko beste askotan herritarrak gehiegikeria polizial eta judizialaren aurrean, jakinaren gainean eta larderiaz bidegabeki tratatzen duen aginte ofizial baten aurrean sentitzen duen ezintasuna geratzen da agerian.

Arzallus gidari duela, kasuaren lau urteko jarraipena egin du Parramonek dokumentalean, auziaren sorburu izan ziren 2016ko urriko istiluetatik abiatuta. Filmin plataforman dago ikusgai hilaren 22az geroztik, eta egun berean aurkeztu zuten Bartzelonako Docs jaialdian. Orain, Euskal Herrira ez ezik Europako beste leku askotara iristea espero dute egileek, eta lagungarri gertatzea zigortuei Estrasburgon izango duten borroka judizialean.

Jatorri desberdina izan arren, Altsasu telesailaren osagarri egokia da Altsasu (gau hura) dokumentala, errealitate beraren erretratu. Eta ezin ahaztu telesailari buruzko azalpenak eskatu zituela PP+C's taldeak, otsailean, Eusko Legebiltzarrerako EITBren Kontrolerako saioan; ezta orduan Andoni Aldekoa EITBko zuzendari nagusiak esan zuena ere: Altsasu-k ez zuela jarraipenik izango, era horretako lanek «desadostasunak» eta «polarizazio politikoa» eragin ditzaketelako. Altsasu (gau hura) dokumentala ikusi eta gero, are argiagoa geratzen da zein bidegabea izan zen Eusko Legebiltzarrean Altsasu telesailari egin zitzaion epaiketa eta eman zitzaion zigorra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Haurren konpainia bat, gaur Donostiako Bulebarrean. ©Andoni Canellada / Foku

Hirian sakabanaturik egin dute Donostiako haur danborrada

Alex Uriarte

Bost barrutitan aritu dira haurrak, udalak Alderdi Ederreko ekitaldia eta helduen danborrada bertan behera utzi ostean.

 ©BERRIA / HISTOLABET

Gizakiak, txerri organoak amets

Jakes Goikoetxea

David Bennettek astebete baino gehiago darama bizirik txerri baten bihotzarekin. Transplante hori mugarria izan da, baina ikerketa asko falta da prozedura orokortzeko.

 ©ARITZ LOIOLA / FOKU

«Consonni kreatura mutante bat da»

Amaia Igartua Aristondo

Consonnik 25 urte bete berri ditu. 2012tik argitaletxea ere bada, eta Murrek dio horrek «autonomia» eman diela. Andrazko idazle euskaldunak eta zientzia fikzio feminista itzuli dituzte, besteak beste.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.