GKSko kide bat epaituko dute Pauen asteartean

Ipar Euskal Herriko Gazte Koordinakunde Sozialistako kide bat epaituko dute asteartean, Paueko Dei Auzitegian. 2021eko udaberrian Zuberoan margoketak egin izana leporatzen diote. MaulekoJendarmeriak eramandako ikerketa baten ondorioa da prozedura judiziala. GKSk elkarretaratzea eginen du egun horretan, Baionako suprefeturaren aitzinean, 19:00etan, Lan politikoa egiteko baldintzak defendatu lelopean. Bestalde, elkartasun kutxa bat abiatu dute epaiketa gastuei buru egiteko.