Noiz sortua: 2018-09-20 00:30:00

ARKUPEAN

Lo hartu ezinik

Pilar Kaltzada -

2018ko irailak 20

Kanpotik ikusita, eskolako patioak ume guztiak berdindu egiten dituela pentsatu liteke. Ikastetxe handi bat dut eguneroko lanerako ibilbidearen erdian, eta maiz suertatzen naiz inguru horietan txirrinak jotzen duen orduan, ikuskizunaz gozatzeko une aproposean. Urtegiko urari eusten dioten uhateak bat-batean zartatu izan balira bezalakoxea izaten da une hori: arrapaladan ateratzen dira, irribarretsu batzuk, algara batean gehienak; taldeka edo bakarka, eta beti gose: jolas-gose, bizi-gose, otarteko-gose. Nola izan liteke, bestela? Pentsamendu hau lasaitu egiten nauen zerbait da, gauzak dagokien tokian daudela adierazten duelako.

Zer da poza, bizi-poza baino berezkoagorik haurtzaroan?

Aspalditik ezagutzen dut Miren, ongi ezagutu ere. Mirenek lo egiteko zailtasunak izan ditu txikitatik eta ohitura kontua dela esan izan dit beti, sarri azaldu baita gaia gure artean; lauzpabost ordu lo eginda ere ederki bizi daitekeela erantzun ohi du, irribarre txikia eginez. Bere lagun guztiok dakigu, bere bikoteak badaki, eta baita bere seme-alabek ere. Ez du sekula ezkutatu, zergatik egingo zuen, bada? Haren ondoan noizbait suertatu diren ia guztiek dute Mirenen berezitasun horren berri, baina noiztik eta zergatik, zerk eraginda den ez daki inork.

Inork ez daki aita gelara sartzen zelako ematen zituela gauak esna gure lagunak (ustez bikote-harreman sanoa duen emakume hark, seme-alabei giza duintasunean hazten ahalegintzen ari den ama horrek). Mirenek ez dio inori kontatu beren aita bere ohean etzan egingo zelako ikasi zuela begirik bildu gabe bizitzen, bizitzari eusten. Ez dio inori aitortu hasieran, 8 edo 9 urte zituela, losintxa hutsak zirelakoan gustura sentitu zela, gustagarri eta lasaigarri gertatzen zitzaiola aitak berak aukeratzea, eta bere xaloan gaueko ukitu horiek zerbait naturala zirela uste izan zuela. Eta hori guztia isilean gorde izan badu hainbeste urtez, nola azalduko du orain aitaren gehiegikeriaz ohartu zenerako ez zela gauza izan deus ere kontatzeko? Saiatu izan zen aldietan ez zuela hitzik aurkitu, ezta hitz horiek jasoko zituenik ere. Zer esango zuen? Galdera horiek behin eta berriro egiten dizkio bere buruari Mirenek, etengabe, eta gauero-gauero berritzen du une horietakoren bat, zeinetan aitaren esku zikinek bera zen haurraren larrua korritzen duten berriro. Eta loak ihes egiten dio, eta zoriontsu sentitzen da goizean muxu emanez bere seme-alabak esnatzen dituenean.

Haurrek, berez, zoriontsu eta jostalari izan behar dutela uste izaten dugu, zer gerta ere. Beharbada, horregatik ez ikusiarena egiten dugu begitazio hori apurtzen duten seinaleen aurrean. Bestaldera begiratzen dugu, eta ulergaitz egiten zaigula esaten dugu kasuren baten berri iristen zaigunean, egiazki ulertzeak min sakonegia eragingo ligukeelako.

Jauzi handia dago ikusten dugunetik egiazki gertatzen denera. Haurren kontrako gehiegikeria oro, eta sexu-abusuak bereziki, umearen inguruan bertan gertatzen dira. Hamar haurretatik bik pairatzen dutela diote datuek, eta gaineratzen dute argitara ateratzen diren kasuak oso bakanak direla, beraz, askoz gehiago izan daitezkeela, hamaika etxetan bizi den dramaren berri hitsa baino ez direla iristen zaizkigunak. Horrelakoren bat gertu izango bagenu ohartu egingo ginatekeela uste izaten dugu, baina datuek diote kontrakoa dela usuena, oso zaila dela antzematea. Edozein herritako edozein eskolatako edozein patiotan, oraintxe bertan, Miren izan litekeen neska edo mutil bat dago gauean lo egiten ez duenik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna