Albistea entzun

EKOGRAFIAK

Distopia ohi baino baikorragoa

Juan Luis Zabala -

2021eko ekainak 16

Fikzio distopiko ugari dago gaur egun era guztietako ikus-entzunezkoen eskaintzan, eta bada distopia batean, eta are distopia betean, bizi garela dioenik ere, batez ere pandemia baten mende bizitzen hasi ginenetik. Errealitate latz, gordin, urratu eta jasaten zailak izan ohi dira distopiak, ilunak, uherrak, gizatasun gutxikoak edo gizagabeak, baina, hain zuzen ere, horrelakoa ez izateak —edo hain horrelakoa ez izateak behintzat—, egiten du berezi eta, neurri batean, erakargarri Robert Downey Jr. eta Susan Downey senar-emazteek ekoitzi eta Jim Micklek zuzendutako Sweet Tooth (Netflix, 2021).

Jeff Lemireren izenburu bereko komikian oinarrituta badago ere, telesailak kontatzen duena, edulkoratua izatera iritsi gabe, atseginagoa da komikiko kontakizuna baino, baikorragoa azken batean. Mundu beldurgarria erakusten du, baina ez goxotasunik gabekoa, izenburuak iradokitzen duen moduan.

Birus hilgarri eta kontrolaezin batek eragin du telesaileko distopia, ordura arteko gizartearen zutabe nagusiak suntsituz eta, horrelakoetan ohi denez, kaosari bidea irekiz. Birusa zabaltzearekin batera erdi gizaki eta erdi animalia diren ume hibridoak jaiotzen hasi ziren, eta, birusarekin lotura zuzena dutelakoan, gizaki askok haiek gupidarik gabe ehizatzen dituzte. Pertsonaia nagusia, Gus, hibrido horietako bat da, erdi gizaki eta erdi orein, aitak, ehiztariengandik babesteko, basoan ezkutuan hazi eta hezitakoa, Yellowstone parke ezagunaren mugetan eraikitako etxola batean. Bizimodu zaila egokituko zaio, horrenbestez, Gusi, baina, horri esker, abentura ugari eta paisaia distopiko harrigarriak ezagutzeko aukera izango du ikusleak hari jarraituz.

Orein adar eta belarriz hornitutako ume eder, osasuntsu eta jator bat ez da, lehen begiratuan behintzat, distopia bateko pertsonaia nagusitarako egin daitekeen aukerarik logikoena edo arruntena, eta, horrez gain, esan beharra dago batzuetan istorioa bortxatuegia dagoela katastrofeak bizitzari eta bizipozari zirrikituak ireki diezazkion, baina hala ere gutxieneko sinesgarritasunari eutsiz eta interesa piztuz egiten du aurrera, aktore nagusien lanak ederki olioztatuta: Christian Convery (Gus), Nonso Anozie (Jepperd) eta Stefania LaVIe Owen (Becky). Horrek guztiak damurik gabe ikusteko moduko telesail egiten du Sweet Tooth.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Guztion Sanferminak egitasmoaren aurkezpena, gaur eguerdian, Iruñean. ©Iñigo Uriz / Foku

Aurtengo sanferminak «atzera pauso bat» izan direla salatu dute zenbait herri eragilek

Iker Tubia

Guztion Sanferminak ekinbidea aurkeztu dute Iruñeko bestetan «kalteturiko» eta «jazarritako» herri eragileak batu eta egoera salatzeko. Azken asteetako debekuen kontra ere mintzatu dira.

 ©JAIZKI FONTANEDA/ FOKU

«Ez da gaztetxearen inguruko film soil bat»

Amaia Jimenez Larrea

'Mari. Isilik nahi gaituztenan' Oñatiko Antixena gaztetxearen hamargarren urteurrenaren harira sortutako film bat da, fikziozkoa. Datorren astean estreinatuko da, Oñatin eta Durangoko Azokan.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©FRANCK LAPUYADE

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.

 ©MARISOL RAMIREZ / FOKU

«Hemengo irrati batzuk hasiak dira jolasten adimen artifizialarekin»

Urtzi Urkizu

Adimen artifizialarekin narrazioak sortu, eta horiek 'Zero eta bat' podcastera eramaten ditu Erezumak. Gaur sareratuko du hirugarren atala. «Esperimentatzen jarraituko dut».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...