Bidasoak eta Anaitasunak gaur jokatuko dute

Gaur jokatuko da Asobal ligako azken-aurreko jardunaldia. Bidasoak ezin du huts egin, bigarren postuan segitu nahi izanez gero. Jacobo Cuetararen taldeak Huescan jokatuko du (17:00). Ordu berean du partida Anaitasunak, etxean, Logroñoren aurka. Nafarrek ez dute ezer jokoan, baina zaleei sasoiko azken garaipena eman nahi diete. Xabier Etxeberri jokalariak, berriz, erretiroa hartuko du, Anaitasunan hamar urte egin ostean.