Noiz sortua: 2019-06-11 00:30:00

Iritsi da lehen ezustea

Argentinak ustekabea eman du, hutsean berdindu baitu Japoniarekin. Hegoamerikarrek galdu egin zituzten Munduko Kopako lehia guztiak
Aldana Cometti eta Estefania Banini, Argentinak lortutako berdinketa ospatzen.
Aldana Cometti eta Estefania Banini, Argentinak lortutako berdinketa ospatzen. BERRIA Tamaina handiagoan ikusi

Julen Etxeberria -

2019ko ekainak 11

Lau egun pasatu behar izan dira lehen ustekabekoa egon dadin Frantzian eta Bretainian jokatzen ari diren Munduko Kopan. Argentinak eman du. Hego Amerikako selekzioak hutsean berdindu zuen atzo Japoniarekin, Parisko Printzeen Parkean, D multzoko lehen jardunaldiko azken partidan.

Inor gutxik espero zuen halakorik, ustez alde handia baitago argentinarren eta japoniarren artean. Hegoamerikarrak hirugarrenez ari dira Munduko Kopa batean —zortzi jokatu dira—, eta atzo arte galdu egin zituzten jokatutako neurketa guztiak, seitik sei. Are gehiago, bost gol baino gehiago sartu zizkieten norgehiagokako. Asiarrek, ordea, sekulako eskarmentua dute puntako txapelketak jokatzen. Munduko Kopako ekitaldi guztiak jokatu dituzte, ondo jokatu ere. Izan ere, 2011n, Alemanian, txapeldun izan ziren, eta duela lau urte, Kanadan, txapeldunorde.

Baina asko aldatu da Japoniako selekzioa azkenaldian. Hautatzaile berria du, Asako Takakura, eta hark gazte belaunaldi baten alde egin du apustu. Belaunaldi bikaina da, eta iaz ikusi zen, 20 urtez azpiko munduko txapeldun izan baitzen Japonia. Baina oso selekzio gaztea da—Munduko Kopako gazteena da: 23 urteko batez besteko adina dute jokalariek—, eskarmentu gutxikoa, eta agian, oraindik goiz iritsi zaio Munduko Kopa hau.

Atzo ezinean aritu zen Argentinaren aurka. Saiatu, saiatu zen, eta zelaian nagusi izan zen, baina ez zen batere fin ibili ate aurrean. Arriskuarekin iritsi zen, baina ez zen gai izan aukera garbirik sortzeko. Arrakala txikiena ere ez zuen eragin Argentinak eraikitako horman. Ez da harritzekoa, argentinarrek partida bikaina jokatu baitzuten. Sendo jardun ziren atzean eta zelai erdian, eta gai izan ziren Japonia estu hartzeko. Talde izaera da Carlos Borrellok entrenatutako selekzioaren indargunea. Hala ere, baditu ale bikainak. Estefania Banini da horietako bat. Levanteko erdilariak erakustaldia eman zuen atzo. 10 zenbakidunak dena egin zuen ondo, eta Argentinaren itsasargia izan zen. Zeresana emango du txapelketan.

Gaur, txapeldunaren txanda

Gaur beste hiru partida jokatuko dituzte: E multzoan, Zeelanda Berria eta Herbehereak ariko dira; eta F multzoan, Txile eta Suedia batetik, eta AEBak eta Thailandia bestetik. Azken neurketa horretan egingo du estreinakoa azkeneko txapeldunak: AEBetako selekzioak. Debut samurra izango du, Thailandia makina bat koska beherago baitago: FIFAren sailkapenaren buruan daude AEBak, eta 34. postuan Thailandia. Erraz irabazi beharko lukete estatubatuarrek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Herritarrak paseoan, konfinamendua arintzeko lehen fasean ©Jon Urbe / Foku

Beste sei positibo eta hiru hildako jakinarazi ditu Jaurlaritzak, baina agerraldiak «kontrolatuta» daude

Irati Urdalleta Lete

Murgak iragarri du neurriak areagotzea pentsatzen ari direla azken egunetan festa giroan ikusi diren jende pilaketak «mantendu eta orokortu» ezkero

Irungo bizilagun batek grabatutako bideoaren irudi bat. ©

Santano: «Asteartean gertatutakoa salbuespenezko kasua izan da, eta, zoritxarrez, irudi mediatiko bilakatu da»

Bidasoako Hitza

Ekainaren 30ean (asteartea) Irungo Legia kaleko hiru tabernetan gertatutakoaren gainean aritu berri da Jose Antonio Santano alkatea. Ehunka lagunek bete zuten kalea, inongo distantzia eta maskararik gabe, eta tokian bertan grabatutako bideo batek hautsak harrotu ditu.
Irungo bizilagun batek grabatutako bideoaren irudi bat.

Produktibitatea

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Julen Etxeberria

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna