Israelek palestinarren etxeak eraitsi ditu

Palestinako Aginte Nazionalaren (PAN) jurisdikziopean dagoen eremuan zeuden arren, Israelek palestinarren hainbat etxebizitza eraitsi zituen atzo, Zisjordanian, «arriskutsuak» zirela argudiatuta. Goizeko ordu txikietan, hainbat polizia eta militar palestinarren etxeetara joan ziren, eta handik ateratzeko agindua eman zieten; Auzitegi Gorenaren sententzia baten ondorio izan ziren eraisteak. «Gaur [atzo], hamabi eraikin eraitsi ditugu. Baimenik gabe eraiki zituzten», adierazi zuen atzo okupazioa kudeatzeaz arduratzen den erakundeak.