Albistea entzun

HIZPIDEAK

Zer mahai?

Mikel P. Ansa -

2021eko irailak 15

Alde bakoitzak baditu bere argudioak, eta ez dago erraza arrazoia norena den argitzen. Junts per Catalunyak argudiatzen du ERCrekin gobernu akordioa egin zutenean hitzartu zutela Espainiako Gobernuarekin negoziatzeko mahaian ez zutela zehaztu gobernuko ordezkariek egon behar zutenik. ERCk zehazten du gaurko bilera gobernuen artekoa dela eta, beraz, gobernuko ordezkariek soilik parte hartu beharko luketela. Gainera, Juntsek publiko egin ditu bere ordezkariak Pere Aragones Kataluniako presidentearekin hitzartu gabe, eta, nonbait, hitz eginak zirela ordezkaritzak adostua izan behar zuela. Honaino iritsita, ez dira ados jarriko. Nork bere egia.

Nabarmen daude, hala ere, bizpahiru kontu: bata, Juntsek presioa handitu nahi izan duela negoziazio mahaiaren gainean, Jordi Sanchez eta Jordi Turull preso ohiak negoziazio mahaira eraman nahi dituela iragarrita. Prozesuan batere konfiantzarik ez dute Puigdemontenek, eta kolpe bat emateko modua izan da. Bestea, Pedro Sanchezek ez duela batere gogorik argazki berean agertzeko bi preso ohi horiekin. Tartean, ERC, mahaia martxan jarri eta etekinen bat ateratzeko ahaleginean, hasi aurretik puskatu ez dadin saiatzen.

Eta airean galdera bat: Espainiako eta Kataluniako gobernuen mahaiak gatazka politikoa konpontzea ia ezinezko ikusten den garaiotan, egiazko negoziazio mahaiak ez ote lukeen izan behar independentista katalanen artekoa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna