Albistea entzun

HIZPIDEAK

Estres proba

Mikel Rodriguez -

2020ko azaroak 27 - @MikelR28

COVID-19ak sortu duen osasun krisiaren ondorio batzuk paralisi gisa definitu dira arlo anitzetan. Gehiago, agian, udaberrian, lehenbiziko olatuan, munduaren zati handi batean konfinamenduak dekretatu zirenean. Ordura arteko eztabaida eta gatazka guztiak bigarren mailakotzat definitu ziren, eta agenda politikotik desagerrarazi ziren. Horietako bat izan zen, herrialde batean baino gehiagotan, lurraldetasun gatazkarena. Ez zen burujabetzari, autodeterminazioari, ezta eskumenei buruz ere eztabaidatzeko tenorea. Sesio hutsalak eta egoistak sortzen zituen, mundu osoan eragina zuen drama bat gertatzen ari zen bitartean.

Baina paradoxa bat gertatu da, osasun krisiak berak eman baitie jarraibidea lurraldetasun auziei. Nork erabaki behar du zer? Espainiako Erresuma adibide argi bat da. Erresuma Batua da Europa mendebaldeko bertze eredu nagusia. Pandemiaren kudeaketak tentsioa sortu du gehienbat Eskoziaren eta Londresen artean, baina baita Galesen eta Londresen artean ere. Eta Irlandako batasunaren auziak mahai gainean segitzen du. Akademiko talde batek bi urteren ondoren ondu du txosten bat irla batzeko prozesuak izan beharko lituzkeen xehetasunei buruz. Ez dirudi epe motzean Europa mendebaldeko mapa aldatu litekeenik. Edo hori sinetsarazi nahi dute indar zentripetuek, mapak munduko bertze eremu batzuetan aldatzen direla. Baina osasun krisia ari da estres proba bat eragiten zentroen eta horiek periferiatzat dituztenen artean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...