Albistea entzun

Haztera behartutako haurrak

Pilar Palomero zaragozarraren bigarren film luzeak haurdun dagoen 14 urteko neska bat du protagonista
Ama nerabeentzako La Maternal egoitzan elkartuko den neska taldea, filmeko une batean.
Ama nerabeentzako La Maternal egoitzan elkartuko den neska taldea, filmeko une batean. LA MATERNAL Tamaina handiagoan ikusi

Uxue Arzelus -

2022ko azaroak 12

2020an, nerabezaroan sartzear zeuden neskatila batzuen bizitza kontatu zuen Pilar Palomerok. Las niñas 1990eko hamarkadan kokatzen zen, Zaragozako mojen ikastetxe batean (Espainia), eta 11 urteko Celia zuen protagonista, bere amarekin bizi zen haurra. Haurtzarotik nerabezarora egin beharreko saltoa erretratatu zuen zuzendariak bere lehen lanean; naturaltasun eta samurtasunez beteriko kontakizun batean.

La maternal Palomeroren bigarren filma da. Bertan, heldu izatera behartuta dauden neska nerabeen istorioa kontatzen du. 14 urteko Carla bere amarekin bizi da, herri baten aldirietako jatetxe zahar batean. Carla errebeldea da, desafiatzailea, isilik gelditzen ez den horietakoa, apur bat antipatikoa; azken batean, nerabea. Bere egunerokoa, ordea, erabat aldatuko da La Maternal zentrora bizitzera doanean. Ama nerabeentzako egoitza bat da La Maternal. Bertan, ertzetan gelditzen diren bizi istorioak dituzten neskekin ikasi beharko du heldu izaten, eta amatasunak dakartzan erantzukizunez jabetzen joango da.

Ama-alaben harremanak, belaunaldiz belaunaldi errepikatzen diren istorioak, gizartearen aldirietan dauden bizitzak eta behar baino lehen amaitzen diren nerabezaroak jartzen ditu filmak erdigunean. Eta, horri guztiari eusten, aktore gazteen taldea. Las niñas-ekin egin zuen bezala, filma egiaz eta naturaltasunez osatzen duten antzezpenak bilduko ditu zuzendari zaragozarrak. Ikuslea istoriora gerturatzeko gaitasun berezia du Palomerok, eszena bakoitzarekin hunkitu, haserretu eta samurtzea lortzen du. Dohain hori, neurri handi batean, egiten duen aktore hautaketarekin eta aktoreen zuzendaritzarekin dago lotuta, eta neska eta emakume horiek erretratatzeko erakusten duen sentsibilitateak borobiltzen du.

Aktore ez profesionalak

Bigarren filmean, errealitatearen eta fikzioaren arteko mugarekin jokatu du zinemagileak. Egoitzan bizi diren neska gazteen talderako benetako ama nerabeen esperientziak hartu zituen abiapuntutzat, eta esperientzia horiek bizitako hainbat neskak parte hartu dute filmean. Aktore ez profesionalek osatzen dute taldea, eta horrek ematen dio kontakizunari nolabaiteko egiazkotasuna, baita gordintasuna ere.

Carlaren rola antzezteko, filmeko lantaldea hiru hilabetez ibili zen castingak egiten, eta protagonistaren zama eramateko aproposa zen neskarik topatzen ez zutela, Carla Quilez katalanarekin topo egin zuten. Haren Instagrameko kontuaren bitartez aurkitu zuten.

Film, gidoi, zuzendaritza berri eta argazkilaritza onenari Goya sariak, Malagako jaialdian film onenari eta argazkilaritzari sariak, Forque saria, hiru Feroz sari, lau Gaudi eta Platino saria lehen lan onenari. Las niñas-ek arrakasta itzela izan zuen zinemaldietan eta sari banaketetan, eta Palomeroren bigarren lana bide beretik doala uste du kritikak. Donostiako Zinemaldiko sail ofizialean lehiatu da, eta Carla Quilez aktoreak interpretazio nagusi onenaren zilarrezko maskorra jaso zuen. Zinemaldian saritutako pertsonarik gazteena bihurtu zen.

'LA MATERNAL'
Zuzendaria: Pilar Palomero.
Gidoilaria: Pilar Palomero.
Aktoreak: Carla Quilez, Angela Cervantes, Jordan Dumes, Pepe Lorente, Olga Hueso, Ruben Martinez, Gal-la Sabate, Neus Pamies.
Generoa: drama.
Urtea: 2022
Iraupena: 122 minutu.
Herrialdea: Espainia
Estreinaldia: azaroaren 18an estreinatuko da Hegoaldean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar bat, Gasteizko Arriaga parkean. Barruko eraztun berdearen parte da eremu hori. ©ENDIKA PORTILLO / FOKU

Eremu berdeetatik egotziak

Amaia Igartua Aristondo

Azpiegitura berdeek etxebizitzen prezioa garestitu dezakete, eta, hala, goi klaseko bizilagunek ordezka ditzakete langile klasekoak. Prozesuari 'gentrifikazio berdea' deritzo, eta jada gertatu da munduko hiri batzuetan.

Erroskillak, opilak eta kordoiak nagusi, San Blas azokan. ©MONIKA DEL VALLE / FOKU

Kordoiak eta pankartak

Olatz Silva Rodrigo

San Blas azokak 76 ekoizle eta 160 abelburu elkartu ditu Abadiñon. Goizetik bildu da jendetza, ekintzaz betetako programazioaz gozatzeko. Protesta egiteko eguna ere izan da.

Gorka Rico eta Javi Rivero, Tolosako Ama jatetxeko sukaldariak. Ama jatetxea lekuz aldatuko dute aurten. ©JON URBE / FOKU

«Herritarrek saria eurena balitz bezala sentitu dute»

Amaia Jimenez Larrea

XXI. Madrid Fusion kongresuaren sukaldari berririk onenen saria jaso zuten joan den astean Javi Riverok eta Gorka Ricok. Oraindik ere oihartzun mediatikoa gainditzen ari direla esan dute.
Andoni Zenarrutzabeitia, disko golfean, hainbat disko sarean sartzeko ahaleginean. ©EUSKADISC GOLF

Diskoaren bueltan kateatuta

Ane Insausti Barandiaran

Disko bat jaurti eta burdinazko saski batean sartzean datzan kirola da disko golfa. Euskal Herrian geroz eta jende gehiago «harrapatu» du katearen hotsak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...