Albistea entzun

EKOGRAFIAK

Sumendiaren ondoan artega

Juan Luis Zabala -

2021eko ekainak 24

Patxada eta pazientzia eskatzen baldin badu ere —erritmo motelekoa da eta, gainera, denbora askotxo pasatzen da tramaren nondik norako nagusiak zein diren jakin arte—, oso esker oneko telesaila da Baltasar Kormakur eta Sigurjon Kjartarnssonen Katla (Netflix, 2021). Ez bakarrik erakusten dituen paisaia ikusgarriei ateratzen dien probetxu plastiko eta zinematografiko nabarmenarengatik, baita kontatzen duen istorioaren intrigarengatik, aurkezten dituen pertsonaiengatik eta pertsonaia horiek interpretatzen dituzten aktoreengatik ere (Gudrun Yr Eyfjord, iris Tanja Flygenribg, Ingvar Eggert Sigurdsson, Aliette Opheim, Thorsteinn Bachmann...). Netflixek Islandian ekoitzitako lehendabiziko telesaila da. Islandiako hegoaldeko glaziar ikusgarri batean kokatuta dago Katla sumendia —benetan existitzen da, Reykjaviketik 150 kilometrora dago—, eta haren inguruko lurraldeetan kokatzen da istorioa. Sumendiaren erupzioa hasi zenetik urtebete igaro da eta oraindik ere laba, errautsak eta gasa isurtzen jarraitzen du. Inguru guztia errautsez estalita eta kutsatuta dago, modu bereziki arriskutsuan arnasa hartzeko arazoak dituztenentzat. Horregatik, sarrera kontrolatua dago eta inguruko biztanlerik gehienek beren bizilekutik ihes egin dute, babes bila, batzuek handik alde egin baino bertan hil nahiago badute ere. Historiaurreko arrasto misteriotsu batzuk agertu dira erupzioak glaziarraren sakoneko guneetatik ateratako izotza urtzean, eta misterioarekin batera biztanleen ezinegona ere areagotu egingo da inork espero ez zituen pertsona batzuk agertzen hasten direnean...

Bizitzaren eta heriotzaren misterioan barneratzen da, hortik abiatuta, telesaila, eta gizakiaren beldur handienen aurrean jartzen du ikuslea. Horretan oinarrituta, Twin Peaks, Dark, The Rain, The Revenants, The Leftovers eta gisako telesailak aipatu dira, han-hemenka, Katla-ren aurrekari gisa.

Telesailen arteko konparazioetan sartu gabe, Katla-ren meritu nagusietako bat da sinesgarritasunez planteatzen dituela erantzunik gabeko galderak, eta indar iradokitzaile handiko erretratu ederra egiten diola sumendiaren ondoan —hark barruan zer gordetzen duen eta noiz, nola eta nora atera eta jaurtiko duen ez dakiela— artega bizi den izaki koxkorrari, gizakiari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAIZKI FONTANEDA/ FOKU

«Ez da gaztetxearen inguruko film soil bat»

Amaia Jimenez Larrea

'Mari. Isilik nahi gaituztenan' Oñatiko Antixena gaztetxearen hamargarren urteurrenaren harira sortutako film bat da, fikziozkoa. Datorren astean estreinatuko da, Oñatin eta Durangoko Azokan.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©FRANCK LAPUYADE

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.

 ©MARISOL RAMIREZ / FOKU

«Hemengo irrati batzuk hasiak dira jolasten adimen artifizialarekin»

Urtzi Urkizu

Adimen artifizialarekin narrazioak sortu, eta horiek 'Zero eta bat' podcastera eramaten ditu Erezumak. Gaur sareratuko du hirugarren atala. «Esperimentatzen jarraituko dut».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...