Albistea entzun

EKOGRAFIAK

Sexualki zuzena

Juan Luis Zabala -

2021eko maiatzak 13

Landakandak, Laja zenak lagunduta, kantatzen zuen pieza hura ekartzen dit gogora Laurie Nunnen Sex Education telesailak (Netflix, 2019-2020), Alkar maitatzen ez digute uzten izenekoa, honela amaitzen baita: «Garai hartan edozer / zan lizunkeria / guk sinistutzen gendun / hainbat tonteria / orain gaztea danak / dauka loteria». Ahal zuten neurrian, beren garaiko zapalkuntza ilunari beren baliabide urriekin aurre eginez, praktikan ez ezik teorian ere sexu askatasunaren aldeko beren aletxoa jarri baitzuten trikitilariek joan den mendeko hainbat hamarkadatan Euskal Herriko bazterretan.

Maiz entzuten dugu gaur egungo nerabe eta gaztetxoek pornografia dutela sexu heziketarako baliabide eskuragarri eta erosoena, baina, aldi berean, motibo batengatik baino gehiagorengatik, arrisku handikoa dela. Alternatiba egokia izan daiteke Sex Education protagonisten adinaren bueltan, hau da, 16 urteen inguruan, daudenentzat, baina ez haientzat soilik, urte batzuk gehiago dugun batzuei ere ez baitigu gutxi irakasten, ikusten ondo pasatzen dugun bitartean.

Zorrotz jarrita, izango da telesail horrek ematen duen ikuspegia kritikatzen duen ni baino jakintsuagorik, gaiaz informatuago eta arduratuagorik. Adibidez, kritikatzen hasita, transexualitateak presentziarik ez izatea kritikatu daiteke —oraingoz behintzat, akaso hirugarren denboraldian bai—, baina, sexualitatearen tratamenduari dagokionez, alde ederra hau ikusi edo beste belaunaldi batzuetako gazteok irentsi behar izan ditugunak irentsi! Niri, hala esaterik badago, sexualki zuzena iruditzen zait Sex Education, eta, esan bezala, ikusten oso ondo pasatzen dut, telesail bikaina iruditzen zait.

Gurean, ETB1en eta euskaraz, Go!azen-ek ere gisako lana egin ohi du, baina protagonistak gazteagoak dira, umeagoak kasik, eta sexuak askoz presentzia gutxiago du, alde horretatik urrun dago Sex Education-en ausardiatik. Baina susmoa dut Go!azen-en gidoigileek ezagutzen dutela Sex Education. Nekez izan daiteke, izan ere, kasualitate hutsa Go!azen-eko Garaziren (Nerea Elizalde) eta Sex Education-eko Maeveren (Emma Mackey) arteko antza, bi pertsonaien biografian ez ezik baita itxura fisikoan ere. Erreferentziatzat baldin badute Sex Education, ez da gaizki aukeratutako erreferentzia, ez horixe!

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.

Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.