Gaztak erakarritakoak

Bisita bereziak eta dastaketak egiten dituzte egunero Idiazabalen, herriko hainbat gaztandegitan, udako eskaintza turistikoaren barruan

Amaiur Irastorza Adin -

2019ko abuztuak 10
Gaztari lotutako udako eskaintza turistikoa prestatu dute Idiazabalen (Gipuzkoa), eta uda osoan, bisitak eta dastaketak egiteko aukera izango da herriko zenbait gaztandegi, interpretazio gune eta jatetxetan.

Abuztuko igande guztietan, bisita gidatuak egiteko aukera izaten da J. Aranburu gaztandegian (Idiazabal). 11:30etik 13:30era bitartean egiten dituzte, eta, lekua bera erakusteaz gain, Idiazabalgo gaztaren ekoizpen prozesua ere azaltzen dute.

Bisita horiez gain, Gaztainaditxulo gaztandegian ere bisitak egiten dituzte udako larunbat guztietan, eta han izaten da Ander barandiaran artzaina, bere lanaren nondik norakoak azaltzeko. Artaldea erakutsi eta haren zaintza eta elikadura nolakoa den kontatzen du, besteak beste. Udako gainontzeko egun guztietan, herriko beste zenbait gaztandegitara antolatzen dituzte bisitak; goizez eta arratsaldez, egunero egiten dituzte hiru bisita saio.

Bisitariek egun oso bat herrian bertan egiteko aukera izan dezaten, pakete berezia prestatu dute bigarren urtez. Interpretazio zentroan eta gaztandegi batean bisita gidatua egin eta herriko jatetxe batean otordu batez gozatzeko aukera ematen dute pakete horrekin, eta igerilekurako sarrera ere banatzen dute.

Bertako gazta

Mundu zabalean ezagun egin da urteen joanean Idiazabalgo gazta, eta tokian tokiko gaztazale askok badute euskal produktuaren berri. Idiazabal herriak eman zion izena gaztari, baina Euskal Herri osoko leku askotan egiten da. Bertako ardi latxaren eta Karrantzako ardien esnearekin egindakoa izaten da; hori du baldintza garrantzitsuena.

J. Aranburu gaztandegira bisita

Igandero, 11:30etik 13:00etara, Idiazabalen (Gipuzkoa).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: