Errusiako Munduko Kopa. ESFERAREN ERTZAK

Guraso izatea

Amaia Agirre -

2018ko uztailak 1

Gaur ez dut zuzenean eta erabat mundialei buruz idazteko asmorik. Kasualitateak, edo kausalitateak agian, opari txiki bat jarri dit begien aurrean. Eta ez diot muzin egin nahi.

Badirudi Ingalaterra orain arteko mundialetako pitxitxi gabe gera daitekeela. Oraindik urrun dago finala; amesten ez duenak, ordea, nekez lortzen omen ditu helburuak. Harry Kane aurrelaria aita izatekoa da gutxi barru, eta etxerako bidea har dezake hauetako egun batean.

Albiste hori irakurtzen ari nintzela Leire Olaberriak Espainiako Txirrindularitza Federazioan salaketa jarri duela jakin dut. Amatasuna eta kirola uztartzeko zailtasunak jarri dizkiotela eta baztertua bezain gutxietsia sentitu dela adierazi du, besteak beste.

Eta horri tiraka erraiak estutu dizkidaten goiburuak irakurri ditut. Ama izatea eta goi mailako kirolean aritzea batera errazak al dira? Ez, noski. Baina ez gorputzak bere mugak eta amatasunak bere ezaugarriak dituelako soilik. Berez bateragarriak dira, baina erditze batean ez da amaren eta haurraren arteko zilbor-hestea soilik eteten. Arrakalak nonahi zabaltzen dira. Adibide asko topa ditzakegu, asko. Haurdun zeudela jakitean bati baino gehiagori beka kendu zaie... Edo haurdunaldiko lehen lau hilabeteak disimulatzera kondenatuta egon dira... Ama izatearren ibilbide profesional oparoa zapuztea leporatu zaie... Haurraren zaintzaren inguruko prozesu judizial batean murgilduta zegoelako ez zioten haurrarekin mundu mailako lehiaketa batera joaten utzi... Ulertzeko eta mintzeko aski adibide badira, ezta?

Gizarte patriarkal eta arretik emerako goitik beherako harremanak daude oinarrian. Mahai gaineko teorizazioetan berdintasuna bezalako hitz ederrekin betetzen zaie ahoa, baina oraindik sukaldeko lan asko dago egiteko. Sutan jartzean probatu ohi da nolakoa den eltzea! Hobe aurretik gaiari serio heltzea!

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Basurtuko erietxearen kanpo aldean ostiralean hasi ziren PCR probak egiten. ©JAVIER ZORRILLA / EFE

Berriro ere berrehun positibo baino gehiago egun bakarrean: 255

Mikel P. Ansa

Bezperan baino 39 kasu gutxiago detektatu dituzte azkeneko 24 orduetan, baina berrehuneko langatik gora jarraitzen dute eguneko kasu berriek. Nafarroak osasun arreta indartuko du.

Emakume bat Zisjordaniako Bani Naim herrian maskarak saltzen, hil hasierako irudi batean. ©ABED AL HASHLAMOUN / EFE

Palestinako kasuek gora jarraitzen dute, neurriak gogortu arren

Ander Perez Zala

PANek 11.000 positibo baino gehiago baieztatu ditu, eta haren diru sarrerak %80 txikitu dira

Adinekoen aldeko mezua. ©L. J / FOKU

Eguneko zentroak berriz martxan ipiniko dituzte

Berria

Orain bi aste, COVID-19aren kasuen igoerak arduratuta, eguneko zentroak ixtea komeni zela jakinarazi zuen Eusko Jaurlaritzako Osasun Sailak.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna