Albistea entzun

ARRANPLATIK

Iragarri zuten

Niko Iurramendi - Donostiarra taldeko arraunlaria

2019ko ekainak 25

Berdintasuna iragarri zuten entrenatzaile gehienek TKE Ligaren hasieran, eta ez da gutxiagorako izan. Kolpea baten batek eman badu, Orioren San Nikolas ontziak eman du. Eta Oria ibaian aste honetan gozo pasatuko dituzte egunak, ziur asko. Ez da izango haren lekua hartuko ez lukeen talderik eta arraunlaririk. Sailkapenaren behealdean ere estu hasi da liga, eta segundo gutxiren bueltan egon dira hamargarren eta 11. postuak. Hamargarren postuan hurrengo urtean liga berean egoteko aukera, eta 11.enean, lehia hilabete luzatzeaz gain, jaitsiera jokoan jartzen duen kanporaketa. Asteburua Lekittarra-ren aldekoa izan da, San Pedroren aldean. Aste gogorrak izango dituzte biek ala biek. Batak hurrengo asteburuan antzekoa egin nahiko du; besteak segundo apurren amorrazioz hobetu beharra sentituko du, seguruenik.

Asteburua oso hori hasi arren, ez dute lasaitzeko astirik izango. Bitik bi irabazteak zera dakar: bitik bitan hainbat traineruk ere kale egin dute. Hurrengo asteburua iristeko sekulako grina izango dute, hortzak zorroztu eta hozka egiteko asmo itsua, beste taldeak urduritzeko gogoa, irabazteko nahia.

Santanderrera egingo dugu salto larunbatean, badiara. Bada, arraunlari gutxik maite duten eremua dator. Liga xumeagoetan, txandaren bat egin eta ontzi handi baten atrakatu beharragatik beroketa egin berritan uretan beste ordubete itxaron dugunak ere bagara. Berezia da eremua, baina baita txarra ere. Halakorik gertatuko denik ez dut uste, baina izkinako taldeek badiako ontzien olatuekin ohi baino dantza gehiago egin beharko dutela, seguru.

Lekeitiorainoko bide sigi-sagatsuak egingo ditugu igandean, batzuok oroitzapen onak berresteko asmoz. Lehia handiko asteburuak datoz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Idoia Eraso, Nadia Quagliotto eta Naia Amondarain txirrindulariak, Alteako egonaldian. ©MARKEL BAZANBIDE

Erronkaren tamainara hazi

Iñaki Berastegi

Alteako egonaldiarekin amaitu du Laboral Kutxa taldeak 2023ko denboraldirako prestaketa fasea. Zaila bada ere, helburua, 2024an World Tour mailan tokia egitea da. Hala ere, txirrindulariek azpimarratu dute erronka hori ezin dela «obsesio» izan. Ilusioa izan dute lanerako akuilu nagusi.
Laboral Kutxako txirrindulariak entrenatzen, iragan astean, Altean. ©MARKEL BAZANBIDE

Prestakuntzari azken ukituak emanez

I. Berastegi

Lan kargaren arabera, txirrindulariak bi multzotan banatu dituzte entrenamenduan Laboral Kutxako teknikariek. Talde lana hobetzea eta prestaketa fisikoa fintzea izan dira lan saioaren helburu nagusiak.
Oscar de Marcos eta Moi Gomez, lehian Athleticek eta Osasunak San Mamesen jokatutako derbian. ©ARITZ LOIOLA / FOKU

Bat finalean izango da

Beñat Mujika Telleria

Osasunak eta Athleticek elkarren aurka jokatuko dituzte Espainiako Kopako finalerdiak. Hortaz, euskal talde bat finalean arituko da
Jai Alai ligaren antolatzaileak, atzo, Gernikako frontoian. ©MARKEL SUAREZ

Iparraldeko eta Hegoaldeko txapelketa nagusiak, batera

Berria

Gernikako, Donibane Lohizuneko, Miarritzeko eta Paueko txapelketak batuko ditu Jai Alai liga berriak

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...