Albistea entzun

Donostiako Aste Nagusia. BADIATIK

«Gizon portatu»

Beñat Gaztelumendi -

2018ko abuztuak 16

Klasera joan behar nuenean esaten zidan. Edo parrandara irten aurretik. Edo bertso-saio baterako agurrari bueltaka ari nintzela. Edo aste osorako Bilbora joan behar nuenean. «Gizon portatu». Bi hitz horiek beti. Eta nik baietz esaten nion, «noski, aitona», gizon portatu hark zehazki zer esan nahi zuen ez banekien ere beti «bai, aitona». Mutikoak bezala ez portatzeko esan nahiko ote zuen? Edo umea ez izateko? «Gizon» portatzeko modu bakarra ote zegoen, edo gizonak adina modu? Eta nire kuadrillako mutilei ere esaten ote zieten halakorik etxetik ateratzerako? Eta nire inguruko neskei? Edo gizon eta andre direnei? Edo ez gizon eta ez andre ez direnei?

«Gizon portatu» hari bueltaka aritzen naiz urtero Aste Nagusian Guardetxera etortzen garenean. Sardiñerraia izan da aurten. Gizonezkorik gabeko oholtza bat, ikusezintzat dauzkagunak musika, ahotsa eta erdigunea hartuta. Eta gu, «gizon portatu» esaten zioten hau barne, ertzetik begira egon gara, urtean gutxitan bezala, gure ileorde eta makillaje eta dena delakoarekin. Saiatu gara arrazoimenak atrofiatutako gure gorputzak dantzan astintzen ere, nahiz eta kosta egiten zaigun barra ertzaren gune seguruari ihes egiten. Diskurtsoa ongi ikasia daukagulako: badakigulako —fisikaren teoria guztiek halaxe diotelako— bi gorputz ezin direla aldi berean leku berean egon, eta batek leku bat hartzeak bestea jada ez dagoela leku horretan esan nahi duela derrigor. Bestelako harreman eredu eta botere banaketa bat mundu hobe baterako oinarria dela sinesten dugulako. Akaso gure egotxoak ere ekarri gaitu hona: gu ere iraultzaren parte bagarela erakutsi nahiak. Batzuetan erakutsi behar horrek kezkatzen nau ni. Ez dagoelako gure posizioaren ukoa publikoki erakustea baino estrategia eraginkorragorik posizio horri eusteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©GUILLAUME FAUVEAU

«Galtzagorriak behar ditugu. Indar hori, euskaldunak, galtzagorriak gara»

Ainize Madariaga

Libe Goñi Garatek eta euskarak gorputz bakarra osatzen dute. Seaskako lehen andereñoa izan denak bizia eman du bere artatzen eta transmititzen. Olentzero, taloak, kantua eta dantzak ere zabaltzen aritu zen. Orain, reiki irakaslea da.
Ilaski Serranok eta Saioa Martijak Martxoaren 8ari buruzko <em>Ahoz aho</em> berezia prestatu dute bihar arratsalderako. ©ETB

Martxoaren 8ari lotutako makina bat saio izango da ikusgai egunotan

Urtzi Urkizu

ETB1en 'Ahoz aho' berezia egingo dute bihar. Hamaika telebistan emakume arrazializatuen inguruan arituko dira bihar, 22:00etan

Bi pertsona, animaliei begira, Zumas behatokitik. ©RAUL BOGAJO / FOKU

Hezeguneko sinergia

Amaia Ramirez de Okariz Kortabarria

Landareek eta hegaztiek bat egiten dute Gasteizko Salburua parkean, eta bizia ematen diote hezeguneari. Ataria interpretazio zentroak natur ibilbideak eskaintzen ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.