Albistea entzun

Gazteek goza dezaten

Gasteizko VI. Gaztefilm Fest zinema jaialdia antolatu dute. Euskarara bikoiztutako filmak emango dituzte gaur eta bihar
Euskarara bikoiztutako <em>Kiriku eta Sorgina</em> filma emango dute bihar.
Euskarara bikoiztutako Kiriku eta Sorgina filma emango dute bihar. BERRIA Tamaina handiagoan ikusi

Unai Etxenausia -

2022ko azaroak 26

Istorio asko gordetzen dituen zinema jaialdia da Gasteizko Gaztefilm Fest. Mundu osoan ekoitzitako marrazki bizidunak ikusgai egongo dira asteburu osoan. Dozenaka istorio, horietako batzuk euskarara bikoiztuak, gainera. Joan den asteburuan hasi zen, baina asteburu hau ere filmez beteta dago. Proiekzioak Salburua eta Zabalgana gizarte etxeetan eta Artium museoan izango dira, eta sarrerak Entradium plataformaren bitartez daude salgai. Gaur eta bihar izango dira gaztetxoek jaialdiaz gozatzeko izango dituzten azken egunak.

GazteFilm Festek, Zinhezbak eta Kalakalabek antolatutako haurrentzako eta gazteentzako zinema jaialdiaren seigarren aldia da aurtengoa. Jasotako zortziehun proposamen baino gehiagoren eta nazioarteko jaialdietan ezagututako beste hainbat proposamenen artean egindako filmak aukeratu dituzte jaialdiko antolatzaileek. Honako hauek izan dira hautatzeko irizpideak: kalitate zinematografikoa, eklektizismo teknikoa eta estilistikoa (animazioa, dokumentala eta fikzioa) eta aniztasun tematikoa.

Jaialdiko antolatzaileentzat, garrantzitsua da filmetan balio egokiak erakustea: herrien arteko elkartasuna eta enpatia, giza eskubideak, indarkeria eta migrazioa deuseztatzen dituztenak... Pil-pilean dauden gaiak erakusten dituzte, gainera.

Euskaraz ere bai

Euskararen presentzia areagotzeko apustua egin nahi izan du jaialdiak. Horregatik, proiektatuko diren film luze zein film laburretako batzuk euskarara bikoiztuak izan dira edo euskarazko azpidatziak dituzte.

12:00etan hasi eta 19:30era bitarte, bost film emango dituzte egunean. Gaur 12:00etan Zabalgana gizarte etxean eskainiko duten Zagreb Films. Atzera begira film laburra izango da eguneko lehena; 1950ean ekoitzitako Kroaziako lehen ekoizpen animatua da. 17:30ean, berriz, Artium museoan, euskarara bikoiztu duten Kurrin filma emango dute; Baionako bikoizketa tailerrean jarri zizkioten euskarazko ahotsak. Sei urtetik gorako haurrentzako da film hori.

Bihar ere ikusgai izango dira euskarazko filmak. Goizeko hamabietan, Zabalgana gizarte etxean, hiru urtetik gorako umeentzako eta euskarara bikoiztutako Kiriku eta Sorgina filma emango dute. Film horrek bizitasuna eta adimena jorratzen ditu, arazoak konpontzeko beste modu batzuk erakutsiz.

Programazioaren ezaugarrietako bat da zirkuitu komertzialetan erakusten ez diren mundu osoko gazteentzako eta umeentzako ikus-entzunezko lanak erakustea. Finean, publiko horientzat aukera paregabea da mundu osoko filmografiak ezagutzeko.

Gaztefilm Fest zinema jaialdia

Gaur eta bihar, 12:00etan, Gasteizen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / @FOKU

«Askotan, baimena eskatzea baino hobe da barkamena eskatzea»

Naroa Torralba Rodriguez

Munduko muralik onenetan hirugarrena Ondarroan dago, Kamiñazpin. Lian Monserrate da egilea, eta gaztetatik ari da gizarte gaiak hormetara eramaten. Memoria ariketa bat egin nahi izan du obra horrekin.
1 ©LABAYRU FUNDAZIOA / EZEZAGUNA

Itsasoko ezkutuko lana

Amaia Jimenez Larrea

Emakumeek itsasoan egindako lanaren balioa aldarrikatzeko, Labayru fundazioak 'Geu be bagara itsasoa' liburua argitaratu du. Zenbait belaunalditako hogei emakumeren testigantzak bildu dituzte.
<em>Irabazi arte</em> telesaileko bigarren denboraldiko aktore gazteak. ©EITB

'Irabazi arte'-ren bigarren denboraldia, ostiraletan ETBn

Urtzi Urkizu

Dorleta Urretabizkaia, Nahia Lacalle eta Joan Bailador dira aktore berriak. Zetak, Bengo eta Bulego taldeen kantak entzungo dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.