Asteburuko proposamenak

Mitoen munduari so

Kale ibilaldia eta ikuskizuna egingo dituzte Jentilen Etorreran, Ataunen. Barandiaranen «mundu magikoa» oroitu eta antzeztuko dute, gaur
Jentilen Etorreraren harira eginiko ikuskizunaren irudi bat.
Jentilen Etorreraren harira eginiko ikuskizunaren irudi bat. JENTILBARATZA KULTUR ELKARTEA Tamaina handiagoan ikusi

Nagore Arin -

2019ko azaroak 2

«Joxemiel Barandiaranek jaso zuen mundu magikoa, ataundarrek antzeztua». Horrela definitu dute Ataungo (Gipuzkoa) herritarrek Jentilen Etorrera jaialdia. 1981. urtean sortu zen, eta, geroztik, bi urtetik behin egin izan dute, azaroko lehen asteburuan. Euskal mitologian eta esaera zaharretan oinarritzen da jaia, eta 150 eta 175 herritar inguruk parte hartzen dute urtero.

Txikitatik entzun, sinetsarazi eta amestutako kontu zaharrak ekarriko dituzte gogora gaur, «desagertzear dagoen mundu magiko hura»mantendu, eta, era berean, ondorengoei erakusteko. Ekitaldiak bi zati izango ditu: kale ibilaldia eta ikuskizuna. Lehen zatia 18:15ean hasiko da, herriko San Martin plazan: ongietorria egingo dute. Hori izango da lehen hartu emana, eta, ostean, desfilea egingo dute, herriko kaleetan barna. Ibilaldi horretan, jentilak eta sorginak herritarren artean nahasiko dira, garai bakoitzeko pertsonaien jantziak, lanabesak eta bizimodua erakusteko asmoz. Antolatzaileen esanetan, «gaur egun tradizio eta fama handiko ospakizuna bihurtu da herrian eta Goierriko bailaran».

Kale ibilaldiaz gain, ikuskizuna ere hitzordu garrantzitsua izan ohi da herritarrentzat eta bisitarientzat. Emanaldi horretan, mitologian oinarritutako bi pasarte edota kondaira antzezten dira, urtero desberdinak. Herriko abesbatzek eta dantza taldeek parte hartzen dute, eta, bertsoak eta koplak ere ez dira faltatzen. Aurtengoan, Eate abesbatza eta Otsoak dantza taldea aritu dira, eta ordubete pasatxo iraungo du. Ikuskizuna bi alditan egingo dute: 19:00etan eta 21:00etan. Biak Auzoeta kiroldegian.

Barandiaran, aitzindari

Joxemiel Barandiaranen ondarea ere oroituko dute, antolatzaileen hitzetan, «herriko seme kutun eta euskal etnologo ospetsuena». Hark bildu zituen gaurko egunez esanahi eta presentzia berezia hartzen duten istorio, kondaira, kontakizun eta leku mitologiko anitz. Ahoz aho eta mendez mende iritsi dira Jentil, Sorgin, Torto, Azti, Samartin Txiki, Maru, Basajaun, Marimunduko, Kixmi eta beste pertsonaia mitologiko asko. Horien guztien existentzia zabaltzen jarraitzea da helburua, eta horretan ari da Jentilbaratza Kultur Elkartea, «Barandiaranek utzitako ondarea oroitzeko eta zabaltzen jarraitzeko lanean».

Jentilen eta kristauen arteko harremanak, ezin konponduak, ohitura aldaketak, erlijio zein sinesmen desberdinak... Horiek guztiak izango dituzte hizpide; bi mundu «zeharo desberdin»: mendian bizi diren jentilak eta herriko kristauak, aurrez aurre. «Bi zibilizazio, lehena eta oraina. Bi mundu beste mundu handi batean: mitologian». Euskaraz izango da ikuskizuna, eta Ataungo hizkera erabiliko dute sarritan, «galtzear dauden hitz eta esaera ugari jasotzeko».

Jentilen Etorrera

Gaur, 18:15ean, Ataunen (Gipuzkoa).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

500 positibo baino gehiago atzeman dituzte Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak. Ortzaizen, Nafarroa Beherean, hiru pertsonari atzeman diete COVID-19 gaitza.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna