Albistea entzun

Asteburuko proposamenak

Emakumeen omenez

Sardinera Eguna ospatuko dute gaur Santurtzin, sardineraren figuraren bidez herriko emakumeak omentzeko. Egun osoz izango dira ekintzak
Sardinera Eguna bukatzeko, erromeria egingo dute.
Sardinera Eguna bukatzeko, erromeria egingo dute. BERRIA Tamaina handiagoan ikusi

Nagore Arin -

2019ko irailak 28

Santurtziko (Bizkaia) ikur ezagunena da sardinera, eta, ikurrarekin bat, baita sardina saltzaile emakumearen figura ere. Hain justu, emakume langilearen figura hori gogoratu eta omenduko dute Santurtzin gaur, urtez urte antolatu ohi den Sardinera Egunaren harira. Hala, itsasoari lotutako emakume eta langileen omenezko ekitaldia osatu dute; gizonezkoek soilik ez, emakumeek ere itsasoari lotuta eginiko lana goraipatzeko asmoz. Aurten, herriko Juana Mozas Cardenal langileak jasoko du herriaren aitortza; izan ere, itsasoaren munduari loturik egon da beti, portuan arraina saltzen ez ezik merkataritza portuan zamaketari lanetan ere aritu izan baita. 12:00etan izango da omenaldia, sardineraren monumentuan.

Ez da, baina, eguneko jarduera bakarra izango; izan ere, egun osoko egitaraua antolatu du beste behin Santurtziko Udalak. Eragile askorekin batera antolatu du, eta askotariko eskaintza kultural eta gastronomikoa izango da: 09:30ean itsasora irteteko itsasaldiekin hasi, eta 19:30ean Sukar erromeriarekin amaitzeraino. Tartean, kirol ontzi eta itsasontzi tradizional zaharberrituen erakusketak, bisita antzeztuak, umeentzako jolasak, kalejira, arrain enkantea, dantzak eta ekintza gehiago izango dira.

Berrikuntza eta guzti

Berrikuntza nagusia Sardina freskue dantza antzezlana da, Santurtziko sardinekin lotura duen lana. Organik taldeak antolatu du, eta 19:00etan izango da. Antolatzaileen arabera, ekitaldia umoretsua, freskoa eta urrintsua izango da, eta zenbait unetan ikusleen parte hartzea bilatuko du. Modu horretan, eta ikusleek hala nahi izanez gero, antzezleek egingo dituzten proposamen guztien gainean erabakiak hartu eta norabidea bideratzeko aukera izango dute ikusleek.

Itsasoari lotuta dagoen egun bat izanik, arrantza portutik hurbil ospatuko da jardunaldia, portu inguruan. Hala ere, inaugurazio ekitaldia Sardineraren inguruan izango da. Bertan, omenaldia egingo diote Juana Mozas herriko emakume eta langileari, eta lore eskaintza bat ere egingo dute. Ondoren, kalejira egingo dute arrantza porturaino, erraldoiek, musika eta txistularien bandek eta dultzaineroek lagunduta.

Ekintza programa zabal hori herri bazkari batekin biribilduko da; izan ere, goizean alde batetik bestera ibilitakoak Gernika parkean batuko ditu bazkariak. Hala, Sardinera Eguna ospatzera bildutako herritarrak elkartuko dira, eta, bazkaldu ostean, herri abestiak kantatzeko eta giroaz gozatzeko aukera izango dute, Santurtziko Kantari taldeak lagunduta.

Asteburu mugitua izango da Santurtzira biltzen direnentzat; izan ere, Sardineraren Eguna ez ezik, Itsas Azoka ere egingo dute portuan. Bihar arte egongo da zabalik: gaur, 12:00etatik 00:00etara, eta bihar, berriz, 12:00etatik 22:00etara.

Sardinera Eguna

Gaur, Santurtzin (Bizkaia).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / @FOKU

«Afrika erakutsi nahi diot munduari»

Unai Etxenausia

Boli Kostako kartzela batean gertatzen den istorioa kontatzen du Lacotek 'La nuit du rois' filmean. Iaz, Afrikaldia zinema jaialdian epaimahaiaren saria irabazi zuen, eta atzo jaso zuen saria Gasteizen.
1 ©GORKA RUBIO / @FOKU

Irribarreak herenegun eta atzo

Jakes Goikoetxea

Milaka lagunek parte hartu dute Ibarrako Kilometroak jaian. Antolatzaileak pozik daude, bertaratuek gozatu egin dutelako, gazteek botila festarik gabe ere ondo pasatu dutelako, eta ikastolen jaiaren eredu berriak arrakasta izan duelako. Orereta ikastolari eman diote 2023ko lekukoa.
Hainbat irrati librek 40 urte baino gehiago daramatzate Euskal Herrian emititzen. ©BERRIA

Ate bat zabaldu da Hegoaldeko irrati libreak legeztatzeko

Urtzi Urkizu

Espainiako legedi berriaren arabera, irrati libre eta komunitarioek azken bost urteetan etenik gabe emititu izana egiaztatu beharko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...