Albistea entzun
Emakumeen aurkako indarkeriari ez
Emakumeen aurkako indarkeriari ez

Tradizioaren festa

40. Lapurtarren Biltzarra ospatuko dute bihar Uztaritzen. Karroen desfilea, bazkaria eta kontzertuak egingo dituzte
2016ko Lapurtarren Biltzarreko antzerkia, artxiboko irudi batean.
2016ko Lapurtarren Biltzarreko antzerkia, artxiboko irudi batean. ISABELLE MIQUELESTORENA Tamaina handiagoan ikusi

Unai Etxenausia -

2022ko urriak 1

Tradizioa, nortasuna eta izaera. Hitz horiekin definitu daiteke Lapurtarren Biltzarra. Erdi Arotik Frantziako Iraultzara arte Lapurdi gobernatu zuen batzarra izan zen. Euskal Herriko beste herrialdeek beren Batzar Nagusiak edo Gorteak zituzten bezala, Lapurdik bere botere legegile eta zerga ezartzailea zuen. Hala, tradizioa biziberritzeko helburuarekin, 40. Lapurtarren Biltzarra ospatuko dute bihar, Uztaritzeko Lota jauregian eta inguruetan. Egun osoko egitarauaren barnean, karroen desfilea, bazkaria eta kontzertuak antolatu dituzte, besteak beste.

Joan den urtean berritu zen taldeak antolatu du aurtengo aldia. 2018tik 2021era arte ez zen Lapurtarren Biltzarrik izan, orduko taldekideek lekukoa pasatu tu nahi baitzuten, baina ez zuten hori hartzeko prest zen inor aurkitzen. Halere, joan den urtean, talde berri bat sortzea lortu zuten.

Talde berriak 1979tik aurrera izan den jaia dinamizatzen jakin du, eta Uztaritzeko biztanleak eta Lapurdiko guztiak biltzea du helburu. Izan ere, talde berriko gazte gehienak Uztaritzekoak dira, baina Lapurdiko beste herri batzuetako gazteak ere batu dira: Larresoro, Zuraide, Jatsu, Haltsu, Itsasu eta Kanbokoak, besteak beste.

Goizetik hasiko dira eguneko egitarauarekin. 11:00etan, karroen desfilea egingo dute. Lapurdiko hainbat herritako gazteek karroak egin dituzte herriko kaleetan barrena desfilatzeko. Jeiki lapurtarrak izango da aurtengo festarako jarri duten gaia. Gainera, desfileak iraun bitartean, bertsolariek, gaiteroek eta trikitilariek girotuko dituzte Uztaritzeko kaleak.

Ondoren, 14:30ean, herri bazkaria egingo dute. Aurten, gainera, Xalbador Kolegioaren aldekoa izango da. Bazkariak iraun bitartean, Kuxkuxtu txarangak alaituko du giroa. Aurreratu dute aurtengo menua chilia haragiarekin izango dela.

Kontzertuak egingo dituzte arratsaldean. Gaitisaneko orkestra izango da jotzen lehena, 18:00etan; Frigo taldea izango da hurrengoa, eta 20:00etan joko du; azkenik, Kilimak taldeak emango du kontzertua, gaueko hamarretan.

Antzinakoa biziberrituz

Bizkaiko Batzar Nagusien edo Nafarroako Gorteen moduan, finantza autonomia izan zen Lapurdiko Biltzarraren eginkizuna. 1567tik 1789ra arte iraun zuen biltzarrak. Antzina, Uztaritze izan zen Lapurdiko hiriburu historikoa.

Probintzia guztiko herrietako ordezkariak biltzen ziren bertan, herritarren mezuak ordezkari guztiei helarazteko. Frantziako Iraultzak herritarren hitzak isilarazi zituen arte. Historiari leial, aurten ere, antolatzaile gazteek zentzua berrezarri nahi izan diote festa egunari.

Lapurtarren Biltzarra

Bihar, egun osoan, Uztaritzen (Lapurdi).

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Herritar ugarik produktuz beteriko poltsak utzi dizkiete Elikagai Bankuko boluntarioei. ©JAIZKI FONTANEDA / FOKU

Elkartasunez bete dira orgak

Aitor Biain

Hego Euskal Herriko Elikagai Bankuek bilketa nagusia egin dute, urtero bezala. Ehunka tona elikagai eta oinarrizko produktu bildu dituzte dendetan eta supermerkatuetan.
 ©Gorka Rubio / FOKU

«Arima pixka bat falta da orain, bai unibertsitatean eta bai hedabideetan»

Unai Zubeldia - Gipuzkoako Hitza

Bokazioz irakaslea dela aitortu du Joxerra Garziak, baina lan asko egindakoa da bai bertsolaritzan eta bai komunikabideetan. Erretiroa hartuta ere, ikastaroak eman eta eman ari da oraindik.

 ©IÑIGO URIZ / FOKU

«Trantsizioa egitea, nola esan... zoriontasun eztanda bat da»

Iker Tubia

Gorputza estaltzen duten babesetan gordetzen da Gomez izotz hockeyan aritzeko. Ia bizi osoan gorde behar izan du emakume zela, baina orain ez du ezkutatzen. Partida hor dago oraindik.
Gazte Euskaltzaleen Sarekoek protesta egin zuten EITBren Bilboko egoitza aurrean, azaroaren 16an. ©KLAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...