Baionak eta Miarritzek, lehia erabakigarriak
Helburu bera dute Baionak eta Miarritzek: datorren denboraldian Top14an aritzea. Miarritzek Perpinya kontra jokatuko du ProD2 ligako finala, larunbatean, 17:30ean, Montpellierren. Larunbat gauean, Baionak Stade Français izango du aurkari Top 14ko azken jardunaldian (21:05ean), eta Pauerekiko duen lau puntuko errenta defendatu beharko du mailari eusteko. Emaitzen arabera, gerta liteke bi euskal taldeen artean kanporaketa bat jokatu behar izatea. Bestalde, AS Baionako izarrak, Pauline Bourdonek, taldea utziko du, Tolosarekin fitxatzeko. Zortzi sasoi egin ditu taldean.
Iruzkinak
Ez dago iruzkinik
Ordenatu