Alavesek etxeko irudi onari segida eman nahi dio gaur, Atletico Madrilen kontra

Ainara Arratibel Gascon -

2019ko urriak 29
Bi itxura ematen ari da Alaves denboraldi honetan. Etxean ondo ari da; kanpoan, berriz, kostata. Gaur, Mendizorrotzako zaleen berotasunean, Vila-realen aurkako porrotak utzitako aho zapore txarra gozatu nahi dute, Atletico Madrili irabazita.

Asier Garitano entrenatzaileak argi du ez dela lantegi erraza izango. «Oso eraginkorrak izan beharko dugu, haiek oso aukera gutxi uzten baitizkiete aurkariei. Aurretik jartzen badira, ia ezinezkoa da emaitzari buelta ematea». Tomas Pina da Garitanok berreskuratu ahal izan duen jokalari bakarra. Rodrigo Elyk eta Jorge Burgik, berriz, jokatu ezinik segitzen dute.

Atletico Madrilen, Joao Felix, Jose Maria Jimenez eta Stefan Savic izango dira faltako diren jokalariak, min hartuta daudelako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna