Noiz sortua: 2018-09-04 00:30:00

Londres eta Parisko orkestrak ariko dira 2019an Musika Hamabostaldian

Pucciniren 'Madama Butterfly' opera ere taularatuko du musika jaialdiak hurrengo urtean

Erredakzioa -

2018ko irailak 4

Donostiako 79. Musika Hamabostaldia bukatu berria dela, Patrick Alfaya buru duen antolatzaile taldea hasi da hurrengo ekitaldia prestatzen. Horren emaitza da 80. ekitaldian izango diren ekitaldietako batzuen berri eman duela dagoeneko. Besteak beste, hurrengo hamabostaldian ariko dira London Philharmonic Orchestra, Juanjo Menaren zuzendaritzapean eta Javier Perianes bakarlari dela; eta Parisko Orkestra eta Donostiako Orfeoia, Daniel Harding zuzendariaren agindupean. Bestalde, ekoizpen propioa lantzeko politikaren barruan, Giacomo Pucciniren Madama Butterfly opera eszenaratuko du Musika Hamabostaldiak San Lorenzo de El Escorialeko (Espainia) Udako Jaialdiarekin koprodukzioan. Datozen hilabeteetan osatuko dute antolatzaileek Musika Hamabostaldiaren 80. ekitaldiko egitaraua.

Aurtengo ekitaldiari dagokionez, Musika Hamabostaldiko ordezkariek arrakastatsutzat jo dute, eta, zehaztu dutenez, 37.000 pertsona izan dira hilabetez antolatutako 90 ekitaldietan. Guztira, 952.000 euro izan da leihatilan bildutako diru kopurua. Antolatzaileek ohar bidez egindako balorazioan, aurten izandako hainbat proposamen nabarmendu dituzte: Rossiniren Italiarra Aljerren, Buenos Aireko Colon antzokiarekin eta El Escorialeko jaialdiarekin ekoitzitakoa; euskal musikaren inguruan Labeque ahizpek osatutako Amoria ikuskizuna; Kukai dantza konpainiak Arantzazuko santutegian emandako Adio ikuskizuna...

Kursaaleko auditoriuma izan da hamabostaldiaren gunerik garrantzitsuena. % 91ko betetzea lortu du, eta sei alditan guztiz bete da: Kreazioa (abuztuaren 2an eta 3an), Rotterdams Philharmonisch Orkest (24a), Budapest Festival Orchestra eta Donostiako Orfeoia (27a), Amoria (29a) eta Koloniako WDR Sinfonieorchester eta Donostiako Orfeoia (irailaren 1a).

Ekitaldi handiek eskuratzen dute askotan arreta, baina Musika Hamabostaldiko ziklo txikiagoek ere oso harrera ona izan dute. Hala, Organo zikloak 4.700etik gora ikusle bildu ditu hamahiru kontzertutan, eta Donostiako Santa Teresa komentuan egin den Antzinako musika zikloak edukieraren %98 bete du aurten. San Telmoko Musika Ostegunak ere arrakastatsuak izan dira, eta emanaldi guztietan aretoa bete egin da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 25ean eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, zortzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 28.496 gaixok eman dute positibo guztira, koronabirusa atzemateko probaren bat eginda. Horietatik 2.020 hil dira. Grafikoak, albiste barruan.

Distantziak mantentzeko ezarritako markak, San Frantziskoko (AEBak) parke batean. ©JOHN G. MABANGLO / EFE

5,5 milioi kasu baieztatu dira munduan

Berria

AEBetan baieztatu dira positibo gehien: 1,6 milioi. Herrialde hartan ia 100.000 lagun hil dira. Munduan, denera, 379.157.

<b>Itzulera.</b> Ikasle bat, ikasgelan, maskara jantzita, Donostiako Axular lizeoan, atzo. ©GORKA RUBIO / FOKU

Ezohiko itzuleran, zorroztasunez

Irati Urdalleta Lete

Konfinamendua arintzeko bigarren fasean sartu da Hego Euskal Herria. Ikasgeletara itzuli dira Arabako, Bizkaiko eta Gipuzkoako hainbat ikasle. Uriartek «normaltasuna» azpimarratu du

Asteburuko irudiek zeresana eman dute itxialditik irteten hasi berria den herrialdean. Argazkian, Erromako Trastevere barrutia. ©GISEPPE LAMI / EFE

Birusak azaleratu dituen zuloak

Orsola Casagrande

Italia da koronabirusaren pandemiak gogorren jo dituen herrialdeetako bat. Ia 33.000 hildako baieztatu dituzte gaur arte, eta kutsatuak 228.000 inguru dira; hala ere, duela bi aste hasi zuten normaltasunera itzultzeko bide luzea, baina ez dira eztabaidak eta kritikak falta izan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna