Agus Hernan Foro Sozial Iraunkorreko koordinatzailea asteburuan EPPK Euskal Preso Politikoen Kolektiboarekin bilduko da, Granadako (Espainia) espetxean, bigarrenez. Joan den urtarrilaren 6an, Jon Olarra Guridirekin bilera egin zuen Hernanek, eta ondoren jakinarazi zuen kolektiboko kideak hasiak zirela legediaz baliatzeko eskaerak egiten, banan-banan. Halaber, foroko kidearen esanetan, Olarrak adierazi zion EPPK prest zela ETAren biktimek pairatutako sufrimendua aitortzeko. Oraingoan, Olarrarekin ez ezik, baliteke Ainhoa Mujika Goñi presoarekin ere mintzatzea Hernan.
Asteartean, Foro Sozialak, Sarerekin eta Etxerat-ekin batera, azkenaldian instituzioekin, alderdiekin eta eragile sozialekin izandako harremanen balorazioa egin du Bilbon, Bizkaiko Abokatuen Elkargoan.
Foro Sozialaren bilera EPPKrekin, bigarrenez
Iruzkinak
Ez dago iruzkinik
Ordenatu
