Noiz sortua: 2019-06-30 00:30:00

Bilboko Kalealdiak 80 ikuskizun jasoko ditu bihartik igandera bitarte

Nazioarteko 29 konpainia izango dira Bilboko Kaleko Antzerki eta Arteen jaialdian. Casilda Iturrizar parkean egingo dituzte saio gehienak

Ainhoa Larrabe Arnaiz -

2019ko ekainak 30
Hogeigarren aldia du aurten Bilboko Kaleko Antzerki eta Arteen Jaialdiak, eta, ohi bezala, musika, dantza garaikidea, kaleko antzerkia, zirku modernoa, aireko akrobaziak eta txotxongiloak izango dira nagusi Bizkaiko hiriburuan, bihar hasi eta igandera bitarte. Atzerriko eta Euskal Herriko 29 konpainiak 80 emanalditik gora egingo dituzte, eta jaialdiko antolatzaile Bilboko Udalak azaldu du kaleko arte eszenikoen nazioarteko panoraman lehen mailan dauden zenbait konpainiaren proposamen «berrienak» jaso dituztela. Casilda Iturrizar parkea izango da jaialdiaren kokagune nagusi asteazken arte, «aire zabaleko antzoki handi» bilakatuko baitute Bilboko Arte Ederren Museoaren aldameneko gunea. Ostegunetik aurrera, Areatza inguruetara eramango dituzte ikuskizunak.

Hamar euskal konpainia arituko dira Bilbon: Basanti Cia, Hortzmuga Teatroa, Deabru Beltzak, Malas Compañias, Markeliñe, Natxo Montero, Trakamatraka, The Funes Troup eta Dikothomia. Frantzia, Danimarka, Italia eta Herrialde Katalanetatik iritsitakoak izango dira gainontzeko taldeak. Parte hartuko duten hiru konpainiak erabateko hiru estreinaldi egingo dituzte. Hortzmuga euskal konpainiak, kasurako, migrazioaren gaia lantzen duen Bidaia lan berria aurkeztuko du Kalealdian. Gizarte gogoetarako tresna gisa erabiliko du antzerki taldeak antzezlana, eta herritarrak emanaldiaren parte bihurtuko ditu. Azken egunean egingo du Hortzmugak aurkezpena, 13:30ean, Arriaga plazan.

Mysterieuses Coiffures euskal konpainiak ikuskizunetik harago doan eta beren-beregi Kalealdia jaialdirako sortu duen pieza erakutsiko du. Hiru giro diferente sortuko ditu taldeak Casilda Iturrizar parkean: Jaiaren munduan, dena izango da kolore; Loreen munduan, landare orrazkerak egingo dituzte, eta ingurua lorez apaintzeko sorkuntza tailerrak ere egingo dituzte. Samurtasunaren, baretasunaren eta soseguaren munduan, berriz, egon, etzan eta amesteko gunea jarriko dute, «burua hodeietara eramateko». Bihar bertan irekiko dute instalazioa, jaialdiaren irekierarekin batera.

Italiako Teatro due Mondi konpainiak ere lehen aldiz erakutsiko du Crepe neu muri / Wall Cracks kale antzezlana; egunero eraikitzen diren hormei eta mugei buruzkoa da.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna