Albistea entzun

Jai parekideak helburu

Bilboko Udalak erasoen aurkako kanpaina bat aurkeztu du Aste Nagusirako. Konpartsek 'Nik gozatu, zuk errespetatu, hura zaindu' mezua duten banderatxoekin bete dute jaigunea.
Erasoen aurkako jarrera azaltzeko, banderak eskegi dituzte.
Erasoen aurkako jarrera azaltzeko, banderak eskegi dituzte. MARISOL RAMIREZ/FOKU Tamaina handiagoan ikusi

Uxue Gutierrez Lorenzo -

2018ko abuztuak 18

Hamar urte daramate udalak zein konpartsek sexu erasoak saihesteko kanpainetan murgilduta. Aurtengo Aste Nagusian ere kanpaina prestatu dute biek ala biek.

Konpartsek, jaiak bizitzaren zentroan jartzen dituztela adierazi dute, eta jai gunea banderatxo morez josi. Horretan aritu ziren atzo hainbat konpartsakide. Banderatxoetan irakurri daitekeen mezua lau haizetara zabaldu nahi dute jaietan, hitzak jarrera bihurtuz: Nik gozatu, zuk errespetatu, hura zaindu. Eranskailuak, pankartak eta autodefentsa feministaren aldarriak ere nonahi ikus daitezke. Gozamena, errespetua eta zaintza ardatz, jai parekideak dituzte helburu: «Erasorik gabeko jaigune bat marraztu nahi dugu», azaldu dute.

Azken egunetan konpartsa guztietako emakumeak batu dira, erasoen aurka daudela argi utzi eta elkarrekin aurre egingo dietela iragartzeko. Jarrera matxisten aurka «hortzak erakusteko» prest daude, eroso sentituko diren jai gunea eraikitzeko bidean. Azken urteetan bezala, erasorik ematekotan informazio bila konpartsengana jotzera dei egin dute. Erasoen aurkako protokoloa prest dute, eta edozein erasoren berri izatekotan aktibatuko dute.

Udalak, bestalde, Ez beti da ez testua duten kartelak jarri ditu hiriko hamaika puntutan, Bilbora datozenei ohartarazteko «Bilbo eraso sexisten aurka dagoen gunea» dela. Urte osoko protokoloa aplikatzen jarraituko dute, eta eraso baten berri bada aktibatuko dute.

Era berean, informazio gunea ezarriko dute Areatzan, bihartik hasi eta datorren larunbatera arte, 18:00etatik 20:30era. Aurten, gida bat osatu dute emakumezkoei zein gizonezkoei aholkuak emateko, erasoen inguruan haiek egiten duten interpretazioa plazaratzeko eta erasorik gabeko jai gunea bermatzeko. Gida edozeinek du eskuragarri, informazio gunean zein bertsio digitalean.

Pauso bat harago ere joan nahi dute, Ez beti da ez jarreraz gain, emakumezkoek «bai esan ahal izateko askatasun osoa» izan dezaten. Erasorik gabeko jaiak sustatzeaz gain, udaleko ordezkariek adierazi dute harreman «libre eta berdintasunezkoetan» oinarritzen diren jaiak lortu nahi dituztela.

Udalak eta konpartsek herritarrei inplikatzeko eta parte hartzeko eskatu diete. Erasoak arbuiatzeko eta, pairatzekotan, salatzeko. Era berean, protokoloa aktibatzekotan, deialdiei adi egon eta bertaratzeko eskaria egin dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Isabelle Dupont Baionako txokolatearen bisita gidaria, atzo, txokolate harria nola erabiltzen zen azaltzen. ©GUILLAUME FAUVEAU

Txokolateak bahitu zuen hiria

Ainize Madariaga

Bisita gidatu batek Baionan barrena txokolateari esker urtzeko parada ematen du, bederatzi txokolategiek josten baitute hiria. Lau mendeko historiak eraiki dion fama ona elikatzen dute.
 ©RAUL BOGAJO / FOKU

«Betirako gelditu zitzaidan 'Hambre' etxeko umetako kultura»

Zihara Jainaga Larrinaga

Abade izatea zen Zelaietaren patua, baina uste baino azkarrago utzi zuen. Ostean, 'Anaitasuna'-ko zuzendari, Verdesko langile eta Lauro ikastolako irakasle izan zen, besteak beste. Gabriel Arestiren lagun hurko izanak itzalean ezagun egin zuen.
Pele, 1.301 gol sartu eta hiru Munduko Kopa irabazi zituen futbolaria. Ez du inork historian halakorik errepikatu. ©NETFLIX

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Uxue Gutierrez Lorenzo

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna