Albistea entzun

Frantziako sindikatuek mugimendua iraunarazteko asmoa agertu dute

Ehunka mila pertsona mobilizatu dira Frantzia guzian. Hurrengo astean mintzatuko da Philippe
Parisko manifestazioaren burua, atzo arratsaldean, Philippe Martinez CGTko idazkari nagusia erdian dela.
Parisko manifestazioaren burua, atzo arratsaldean, Philippe Martinez CGTko idazkari nagusia erdian dela. CRISTOPHE PETIT TESSON / EFE Tamaina handiagoan ikusi

Ekhi Erremundegi Beloki -

2019ko abenduak 6

Aspaldi ikusiriko mobilizaziorik jendetsuenak izan ziren atzo Frantziako hiri nagusietan, Emmanuel Macron presidenteak ezarri nahi duen pentsioen erreformaren kontra. Barne ministerioak jakinarazitako datuen arabera, 245 protesta antolatu zituzten estatu guzian, eta ehunka mila lagunek parte hartu zuten. Langile sindikatuekin batera, Jaka Horiek eta ikasle andanak ere parte hartu zuten manifestazioetan: Bordelen, Tolosan (Okzitania), Naoneden (Bretainia), Lyonen eta Parisen istiluak izan ziren polizien eta manifestarien artean. Frantziako hiriburuan bakarrik, laurogei bat pertsona atxilotu zituzten. Kazetari bat baino gehiago zauritua izan da Poliziaren oldarraldietan.

Frantziako Gobernuak eman dituen zenbakien arabera, Funtzio publikoko agenteen %32,5ek egin zuten greba atzo; ez zuten daturik eman enpresa pribatuetan mobilizazioak izan zuen jarraipenari buruz. Hezkuntza Ministerioaren arabera, eskolen %51 itxi zituzten, eta kolegio eta lizeoen %42; hezkuntza arloko sindikatuek kopuru handiagoak eman dituzte. Baina lehen greba egunak garraioetan izan du eragin gehien: Air Francek barne hegaldien %30 bertan behera utzi ditu, eta Easyjet konpainiak 233 hegaldi. SNCF tren konpainiaren arabera, geldirik ziren AHT trenen %90 eta eskualdeko trenen %80, eta bihar ere greba segitzearen alde bozkatu zuten sindikatuek. Paris inguruetan ibiltzen den RATP sarean ere eragozpen handiak daude: metroaren 11 linea geldiarazi zituzten atzo, eta gutxienez igandera arte greban segitzea erabaki dute langileek.

Zenbait sektoretan asteburua greban pasatzea erabakia dute jadaneko, eta beste anitzek atzo arratsean egitekoak zituzten bilerak segidaz erabakitzeko. Batek baino gehiagok 1995eko protestak oroitu ditu, hiru aste iraun baitzuen orduan pentsioen aldeko greba mugimenduak. Philippe Martinez CGTko idazkari nagusia pozik agertu zen mobilizazioaren hedadurarekin: «Gure helburua? Sinplea da: gobernuak orain arteko pentsio sistema hobetzea eta sendotzea. Ez dugu inolaz ere erregimen berri baten beharrik». Nabarmendu zuen gaur goizean bilduko direla intersindikalean segidaz erabakitzeko. «Greba ez da gaur [atzo] arratsean geldituko, erraten dizuet. Ikusiko dugu zer iristen zaigun langileen batzarretatik, eta araberan erabakiko dugu zer eginen dugun bihar, etzi, eta ondoko astean».

Yves Verrier Force Ouvriere sindikatuko idazkari nagusiak erran zuen ez dutela gibel eginen, eta mobilizazioak «behar duen denbora» iraunen duela abisatu zuen. «Gure helburua mugimendua luzatzea da, entzunak izan gaitezen. Mobilizazio egun bakar bat edo bi ez dira aski. Gobernuak ulertu behar du ez dugula gibel eginen. Puntutako pentsio sistema bakarra ezeztatzeko eskatzen dugu». Iragarri zuen bihar greban segitzea proposatuko dutela gaurko intersindikaleko bilkuran.

Lasaitzeko mezua

Frantziako Gobernuak lasaitzeko mezua zabaldu zuen atzo arratsaldean. Emmanuel Macron presidentearen inguruan bildu zen ministroen kontseilu luze baten ondotik, frantziarren mobilizazioa «errespetatzen» dutela adierazi zuen Sibeth Ndiaye gobernuko bozeramaileak. «Ulertzen dugu erreformaren atal anitz ez dituztela argi». Haren iritziz, «normala» da hori, negoziazioak ez baitira oraindik bukatu. Esan zuen sindikatuek gobernuaren ateak «irekiak» dituztela, eta oroitarazi zuen pentsioen erreformaren ardura duen Jean-Paul Delevoye goi komisarioarekin biltzera deituak direla hurrengo aste hasieran. Elkarrizketa horien ondoren «sintesi bat» eginen dute, eta aste erditsuan agerraldi bat eginen du Edouard Philippe lehen ministroak, erreformaren «arkitektura nagusia» azaltzeko. Hurrengo egunetako mobilizazioaren heinak baldintzatuko du.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Berrehun grebalariz osaturiko pikete bat elkartu zen atzo goizean Tubos Reunidosek Trapagaranen duen lantegiaren aurrean. ©MARISOL RAMIREZ / FOKU

Itsasoa bare dago, oraingoz

Imanol Magro Eizmendi

Lasaitasuna izan da nagusi Bizkaiko metalgintzak aste osorako deituriko grebaren lehen egunean. CCOOren, LABen eta UGTren arabera, %85eko erantzuna izan du, eta jendetza handia bildu da Portugaleteko manifestazioan. Ez dago FVEMekin biltzeko beste hitzordurik.
<b>Trapagarango Amazoneko langileak greban, atzo, biltegiaren sarreran.</b> ©MARISOL RAMIREZ / FOKU

Trapagarango Amazonen, 20.000 pakete baino gehiago banatu gabe

Olatz Silva Rodrigo

Langileek salatu dute enpresak uko egiten diola edonola ere negoziatzeari. Langile guztiek egin dute greba 'cyber monday' egunean
Iñaki Zabaleta, Saioa Urriz eta Imanol Pascual, atzo. ©ELA SINDIKATUA

ELAk salatu du Nafarroako aurrekontuak «legealdiko okerrenak» izango direla

Joxerra Senar

Europako funtsak kenduta, 2023ko aurrekontuak %1,6 baizik ez dira igoko, BPGaren eta KPIaren «oso azpitik». EH Bilduk aurrekontuak «apaindu» izana kritikatu du
Metaleko langileak, goizean goiz, mobilizazioetan bilduta. / ©Marisol Ramirez, Foku

Bizkaiko metalgintzako grebak %85eko erantzuna izan du goizean, antolatzaileen arabera

Imanol Magro - Iker Aranburu

Piketeen goiza Trapagaranen hasi da, Productos Tubularesen, eta ez da langilerik sartu lantegira. Ondoren, bat egin dute Amazoneko logistika zentroko langileen grebarekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.