Albistea entzun

Euskal Herriko Itzulia. ERRELEBOKA

Bjorg

Julen Gabiria - Idazlea

2022ko apirilak 5

Bjorg Lambrechtek bete berri ditu 25 urte, joan den larunbatean hain justu. Bezperan Lizarran lo egin, hantxe esnatu urtemuga biribilaren aparretan, eta garaile ospatu nahi izan zuen eguna, garaikurra Indurainen eskuetatik jasota.

Zorrotz zaindutako izenetako bat zenez, hobe zuen beste faborito guztiekin batera azken astinduen zain geratu, are gehiago kontuan hartuta ibilbideko mendate guztiak kendu zituztela goiz hartan bertan, elurragatik; baina lehen kilometroan egin zuen ihes, helmugarako 191 falta zirela, eta tropelak, sinesgaitz, esperantzarako tartea oparitu bazion ere, denek zekiten alferrik zebilela. Bere taldeak, Lotto Soudalek, kapritxo horretarako baimena eman zion: mutil jatorra da, irabazle petoa izateko jaioa (tamalez, irabazle gazte gehiegi dituen belaunaldi batean jaioa), oraindik ere galantak eman behar dituen harribitxi horietako bat, eta, beraz, baimena eman zioten urtebetetzea nahi zuen moduan ospa zezan: eta ospa, literalki egin zuen ospa.

Sorpresa gutxi: azkena helmugaratu zen, beste behin ere agerian utziz, ziklismoan zein bizitzan, gauzak nekez izaten direla justuak, zeren, bestela, 25 urte betetzen ari den txirrindulari batek eskubidea izan beharko luke besoak altxatzeko, batez ere jakinda (eta tropel osoak zekien, jakingo ez zuen ba) Bjorg Lambrechtek nolako gogoa zuen Nafarroan irabazteko, duela hiru urte bigarren geratu zenetik Euskal Herriko Itzuliko etapa bat Nafarroan amaitu zen azken aldian, Gorraizen. Batez ere jakinda (eta tropel osoak zekien, jakingo ez zuen ba) Bjorg Lambrecht duela hiru urte hil zela, Euskal Herriko Itzuliko etapa bat Nafarroan amaitu eta lau hilabetera, 22 urterekin, sekula 25 betetzeko esperantza galduta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Denboraldi hau niretzat azkena balitz bezala gozatuko dut»

Pettan Uralde

Hamalaugarren denboraldia du De Marcosek Athleticen, eta egunez egun gozatzeko ideiarekin ekin dio sasoi berriari. Guardiako jokalariak Europan kokatu du taldearen helburua, eta lortuko dutelakoan dago.
Hondarribia garaipen bat ospatzen, artxiboko irudi batean. ©Oskar Matxin Edesa / Foku

Hondarribiak irabazi du Castro Urdialesen, eta sailkapena estutu du

Berria

Pasa den asteburuko kolpeari buelta eman dio Ama Guadalupekoa-k. Urdaibaik bigarren amaitu du, eta ondo eutsi dio lidergoari.

<b>Mikel Larrañaga, iaz, Urrezko Kopa irabazi berritan.</b> ©IÑIGO URIZ / FOKU

Sei aizkolari ariko dira bihar Donostian, Urrezko Kopa xede

Berria

Aurrez kanporaketa gainditutako kirolariek udako garaikur nagusia izango dute jokoan, 19:30ean

Realeko jokalariak Take Kuboren gola ospatzen, gaur, Cadizen (Espainia). ©Roman Rios / EFE

Realak Kuboren gol bati esker irabazi du Cadizen

Paulo Ostolaza

Txuri-urdinek gogor lan egin behar izan dute, baina japoniarrak 24. minutuan sartutako golak balio izan die. Debuta egin dute Brais Mendezek eta Momo Chok.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...