Unai Hualde Uxue Barkosekin bildu da jauregian

Alderdietako eledunekin bilera sorta egiteaz gain, Nafarroako erakunde nagusietako agintariekin bilduko da Unai Hualde parlamentuko presidentea. Atzo egin zuen lehen bilera, Uxue Barkos jarduneko lehendakariarekin. Gaur, Enrique Maia Iruñeko alkatearekin egingo du bilera, eta asteartean gauza bera egingo du Jose Luis Arasti Espainiko Gobernuko ordezkariarekin, Javier Eneriz Arartekoarekin eta Asun Olaetxea Kontu Ganberako presidentearekin.