Noiz sortua: 2018-07-01 00:30:00

BAKARRIZKETA

Alarma gorria Erresuma Batuan: garagardoa errazionatzen hasteko bidean

BERRIA

Xabier Martin -

2018ko uztailak 1
1 Bai zera! Garagardo nahikorik ez dagoela ingeles egarrituentzat? Egongo ez da ba! Garagardo emaria gera ez dadin beharrezkoa den CO2a da gutxitzen doana. Izan ere, karbono dioxidoa behar-beharrezkoa da okelaren eta, oro har, edarien industrian.

2 Horrenbeste kutsatzen duen CO2ri buruz ari zara? Bai, noski. «Karbono dioxidoaren hornidura oztopatu duen egoera okerrena da azken hamarkadetan», esan du Gas World aldizkari espezializatuak. Coca-Colak berak botilatze jarduera eten egin behar izan du Erresuma Batuko hainbat fabrikatan. Eta Heinekenek beste hainbeste egin behar izan du.

3 Ozono geruzari kalte egiten ari den gasa baliatzen dugula ahotik behera sartzen duguna ekoizteko? Baietz, garagardoaren eta freskagarrien gasa karbono dioxidoa dela. Entsaladak eta haragi freskoa paketatzeko CO2 erabiltzen da. Are, zerriak eta oilaskoak zorabiatzeko ere baliatzen dute hiltegietan.

4 Eta zergatik dago karbono dioxidoaren eskasia? Funtsean, beste produktu baten ekoizpen prozesutik eratorritakoa delako. Amoniakoa ongarrien industriarako ekoizten dute hainbat fabrikak, eta haien soberakina da CO2a. Bioetanol plantak ere karbono dioxidoaren iturri dira. Eta fabrika horietako asko itxita daude azken asteetan.

5 Zergatik? Ongarriak batez ere ipar hemisferioaren neguan erabiltzen direlako gehien, eta, orain, mantentze lanak egiteko ixten dituztelako fabrika ugari. Erresuma Batuan, kasurako, bakarrik bi planta daude CO2 hornidurari eusteko, eta ez da nahikoa garagardo eta freskagarrien botilatzaileentzat.

6 CO2 kutsagarriaren salneurria igoko zen, orduan. Litekeena da, baina amoniakoarena asko jaitsi da, eta horrek ez du laguntzen. Gainera, munduko futbol txapelketak garagardoaren kontsumoa nabarmen igoarazi du, eta horrek ere azaltzen du Erresuma Batuko hainbat tabernatan dituzten arazoak garagardoa zerbitzatzeko.

Albiste gehiago

Martxoaren 28an eguneratua, 14:00etan. ©BERRIA

Koronabirusaren azken datuak

Berria

Euskal Herrian 6.987 gaixok eman dute positibo koronabirusaren proba eginda, administrazioen arabera. 312 hil dira. COVID-19 gaitza izandako 988 pertsonari eman diete alta. Grafikoak, albiste barruan.

Fruta saltzailea bat, Donostian. / ©Gorka Rubio, Foku

Etzi lan jarduera etengo dute Hego Euskal Herrian, bi asterako

Berria

"Ordainpeko baimen berreskuragarria" ematea erabaki du Madrilek. Zortzi egunez luzatuko da, apirilaren 9ra arte, Aste Santura arte, eta langileek berreskuratu egin beharko dituzte orduak

Pedro Sanchez, gaurko agerraldian, Moncloan. ©EFE

Espainiako Gobernuak eten egingo ditu funtsezkoak ez diren jarduera guztiak

Andoni Imaz

Sanchezek iragarri du funtsezkoak ez diren lanetan aritzen diren langileek etxean geratu beharko dutela martxoaren 30etik apirilaren 9ra. Ohiko soldata jasoko dute, eta lanorduak gero egingo dituzte, «mailaka». Komunikabideak funtsezkotzat jo ditu Sanchezek.

Nekazaritza da itxialditik salbuetsitako funtsezko jardueretako bat. ©IÑIGO URIZ / FOKU

Zeintzuk dira «funtsezko jarduerak»?

Ion Orzaiz

Elikagaien ekoizpenak, lehengaien garraioak, hedabideek eta osasun zerbitzuek orain arte bezala segituko dute apirilaren 9ra arte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna