Manifestazioa eginen dute bihar Baionan

Pentsioen erreformaren kontra Baionako karrikak bete nahi dituzte bihar sindikatuek, Frantziako Gobernuaren aitzinean erakustaldia egiteko. Azken asteetan ekintza andana egin dituzte ekonomia blokeatzeko eta erreformaren kontrako mezua zabaltzeko. Baionako eta inguruetako ikastetxeen itzulia egiteko asmoa dute gaur, greba mugimendua indartzeko asmoz. Bihar goizean goiz ekintza bat eginen dutela iragarri dute, eta 10:30ean manifestazio batera deitu dute Lan Burtsatik abiatuta. Ondoren Black Rock inbertsio funtsari lotutako ekintza bat eginen dutela adierazi dute.