Albistea entzun

PSEk «legediaren» balioa goraipatu du

Mikel Unzalu PSEko legebiltzarkide zena oroitu dute. Estatutua goretsi du Mendiak
Idoia Mendia, atzo.
Idoia Mendia, atzo. PSE-EE Tamaina handiagoan ikusi

Edurne Begiristain -

2021eko irailak 19

Mikel Unzalu PSE-EEko legebiltzarkide izandakoaren ibilbide politikoa goraipatu zuten atzo sozialistek, Donostian, Mario Onaindia Fundazioarekin batera eginiko omenaldian. Uztailaren 15ean zendu zen Unzalu, eta haren konpromiso politikoa goratu zuen Idoia Mendia PSEko idazkari nagusi eta Eusko Jaurlaritzako lehendakariordeak ekitaldian. «Demokraziaren eta askatasunaren langile bat izan zen», adierazi zuen. «Uste demokratiko sendoak zituen, eta sozialista guztiok bezala, legediarekin eta Estatutuarekin engaiatuta zegoen».

Unzaluk «ezkerraren balioak» bere egiten zituela gogoratu zuen Mendiak, hala nola eskubideen alde lan egitea eta «herritar guztien askatasunaren» alde borrokatzea. Mendiaren esanetan, «legediaren» alde ere lan egin zuen Unzaluk, eta hori bera aldarrikatzeko garaia da oraingoa, autogobernuari buruzko eztabaida mahai gainean dagoelako. «Legea ezberdinen arteko itunaren arima eta demokraziaren funtsa da. Hori bera da Estatutua». Sozialistek itun horrekiko konpromiso argia dute, eta hala egiten jarraituko dute aurrerantzean ere, PSEko idazkari nagusiak argi utzi zuenez.

Izan ere, PSEk ez dio «beldurrik» autogobernua garatzeari; kontrara, haren alde lanean ari da aspalditik, Mendiaren arabera: «Hamarkadetan hil gaituzte eta jazarri zaizkigu autogobernuaren alde egoteagatik, eta hura hobetzeko eta modernizatzeko proposamen bat landua dugu». Gogoratu zuen PSEk Eusko Legebiltzarrean erregistratua duela estatutu berri baterako proposamen bat, eta haren bidez lortu nahi dutela autogobernua «sozialagoa eta pluralagoa» egitea eta Espainiarekin «elkarbizitza» bermatzea.

Unzaluren ideiak gogoan hartu, eta «akordioen balioa» aldarrikatu zuen Mendiak. «Akordioak lortzeko konpromiso irmoa zuen Unzaluk, baita egoera zailenetan ere». Halaber, goraipatu zuen PSEko legebiltzarkide izandakoak «politika zerbitzu publiko gisa» eta «iritzi trukerako gune gisa» hartzen zuela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©EH BILDU

EH Bilduk estatutuaren «agortzea» nabarmendu du; PSE-EEk, ekarpenak

Maddi Ane Txoperena Iribarren

Urkulluk azaldu du «bete gabe» dagoela eta 30 eskumen lekualdatzeke daudela oraindik ere. PPk estatutuaren «deuseztatze» nahia salatu du

Urkullu, gaur, herritarren galderak erantzuten. ©Irekia

Urkulluk esan du «bateragarriak» direla pentsio minimoa hobetzea eta AHTa egitea

Edu Lartzanguren

Herritarrek eginiko hogei galderari erantzun dio Iñigo Urkullu lehendakariak, '#UrkulluTopaketa' egitasmoaren barruan.

ETArena izan zitekeen aspaldiko zulo bat aurkitu dute Ataunen

ETArena izan zitekeen aspaldiko zulo bat aurkitu dute Ataunen

Berria

Herritar batek aurkitu zuen Aitzarte edo Ataungo Domoan.

ERCko eledun Marta Vilalta. ©Toni Albir / EFE

ERC: aurrekonturik ez, ez bada ikus-entzunezkoetan %7,5 bermatzen hizkuntza gutxituentzat

Edu Lartzanguren

Esquerrak ohartarazpena bidali dio Espainiako Gobernuari, eta ostiralera arteko epea eman dio gaztelera ez diren hizkuntzentzako kuota ezartzeko Ikus-entzunezkoen Legean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.