Arantza Estefania. Mondragon taldearen abokatua

«Lekukoak aulkian; argazki hori nahi zuten negoziazioa eragiteko»

BERRIA Tamaina handiagoan ikusi

Xabier Martin -

2018ko maiatzak 11

Baikor dago Estefania epaiketaren ostean. Probatutzat jo du akusazioaren engainuaren teoria gezurra dela, eta epaiketa bera egon izana estrategia zabal baten barruan kokatu du.

Salaketa preskribatuta dagoen ala ez da lehen kontua, ezta?

Bai, aintzat hartzen badu, salaketa bera ez da aztertzen hasiko epailea, engainua egon ote den ala ez, alegia.

Lekukoak frontoia izan dira akusazioarentzat, baina hark deitu ditu gehienak; zer gertatu da?

Maila bat behera egin du akusazioak, lehen segurutzat jotzen zuena orain aditzera ematen du. Igual ez ziren oso zuhurrak izan salaketa idaztean. Mondragonek konkurtsoa bere onurako atzeratu zuela esaten zuten, aktiboak bereganatzeko. Oso larria da, eta horri buruz ez dute ezer esan epaiketan. Hustu egin dira.

Epaiketa bera estrategia zabalago baten parte dela esan duzu. Zertaz ari zara?

Negoziatzea nahi dute, beti egin dute. Badakite ezin zaiela pagatu eskatzen dituzten 48 milioiak, baina igual zerbait aterako duten esperantzan daude. Baina Mondragoni eskatzea? Harrigarria da. Ez da posible negoziazio hori. Mondragon ez da bankua; dirua kooperatibena da. Eta, gainera, ez dagokien lehentasuna eskuratuko lukete hartzekodunen artean. Erokeria da dena.

Manifestazioak egon dira, escrache-ak ere aipatu dituzue, eta epaiketa bera horrekin lotu duzu. Nola da hori?

Epaiketa hau tresna bat gehiago da estrategia baten barruan, Mondragon bera eta pertsona jakin batzuk, horietako batzuk lekuko gisa deituak, estutzeko.

Zuzendari ohi batzuk lekukoen eserlekura eramatea zigor bat izan dela esaten ari zara?

Bai. Argazki hori nahi zuten, eta ikusi denean testigantzek auzi jartzaileen teoria ahultzen zutela, lekuko batzuk deitzeari uko egin diote. Bazuten jada nahi zutena: argazkia; eta aldi berean, ez zuten nahi beste inork gehiago deklaratzea, haien kontra zelako.

Auzi eskeak ez duela oinarririk diozu, baina tramiterako onartu zen, eta iritsi da epaiketa. Nola gertatu da?

Prozesu zibila delako; ez da zigor epaiketa bat; hala balitz, galbahe bat egongo litzateke tramiterako onartzean. Prozesu zibilean bakarrik gainbegiratzen da epaitegiak eskuduntza ote duen salaketa epaitzeko. Ez dago galbaherik. Beste kontu da orain ez aintzat hartzea.

Bankuen lehentasunezko ekarpenen eta haien moduko beste hainbat auzik izan dute zerikusirik salaketa hau auzitara iristearekin?

Bai, badu zerikusia. Argudiorik ez egotean, ildo juridiko ezagun bati jarraitu diote; baina, hemen ez dago produktu zail bat ulertzeko. Baina bai, horren guztiaren itzala baliatu nahi izan du defentsak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Maria Txibite, Santos Indurain eta Enrique Maia, prentsa agerraldian, atzo eginiko bileraren ostean. ©JESUS DIGES / EFE

Beste 23 ospitaleratze: maiatzaren 14tik zenbatu den kopuru handiena

Olatz Esteban Ezkati

Kasu positiboen beherakada izan da Hego Euskal Herrian. Txibitek ez du neurri orokorrik ezarriko

Donostian eginiko PCR proba bat ©Gorka Rubio, Foku

Alemaniak Hego Euskal Herrira ez bidaiatzea aholkatu du

Berria

Hego Euskal Herritik Alemaniara joaten diren bidaiariek aurrez PCR proba egin beharko dute.

Emakume bat COVID-19aren proba egiten, New Delhin, Indian. ©STR / EFE

Errusiak COVID-19aren aurkako lehenengo txertoa erregistratu du

Munia El Marhoum Iruretagoiena

Putinek adierazi du «immunitate iraunkorra» ematen duela; OMEk, berriz, ohartarazi du erakundearen azterketak igaro beharko dituela. Munduko kutsatu kopuruak hogei milioiren langa gainditu du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna