Albistea entzun

TOKIO 2020. ERAZTUN MOREA. Stamata Revithi

1896. urtea

Gizonek ezarritako debeku eta oztopo guztiei aurre eginez, maratoia egin zuen korrika, bakarrik eta lehiaketatik kanpo.
BERRIA Tamaina handiagoan ikusi

Jakes Goikoetxea -

2021eko uztailak 22

Kathy Switzer sinbolo bihurtu zen: emakumeek kirol probetan jasaten zuten bazterketaren kontrako eta eskubide berdintasunaren aldeko ikur. Maratoiaren moduko erresistentzia proba batean: 1967ko Bostongo maratoian parte hartu zuen, 261 zenbakia txandalean jarrita, Jock Semple antolatzailearen kanporatzeko ahaleginei aurre eginez.

Switzer ikur bihurtu baino 71 urte lehenago, beste emakume batek aurre egin zien garaiko debekuei, eta agerian utzi zituen bai emakumeen kontrako bidegabekeria, bai gizonen arauen zentzugabekeria. Stamata Revithi zen.

Greziako Syros uhartean jaio zen, 1866an. Pobrea zen. Seme zaharrena, 7 urtekoa, hil egin zitzaion, eta 17 hilabeteko beste bat zeukan. Haurtxoa besoetan hartu, eta Atenasera abiatu zen, etorkizun hobe baten bila. Oinez, ez baitzeukan beste aukerarik. 1896. urtea zen.

Bidean, bidaiari batek hirian egitekoak ziren Olinpiar Jokoei buruz hitz egin zion. Eta maratoiaz, maratoiko irabazleek izango zuten loriaz eta diruaz. Hura entzun zuenetik, maratoian parte hartzea izan zen Revithiren helburu bakarra.

Ez zioten utzi parte hartzen, ordea. Arauek debekatu egiten zuten emakumeek parte hartzea: 1896ko Olinpiar Jokoetan ez zuen emakume bakar batek ere parte hartu. Revithik ez zuen etsi, eta Marathoira joan zen, lasterketaren hasiera herrira. Izan ere, 1896ko Olinpiar Jokoetan maratoiaren jatorrizko ibilbidea, historikoa, egin zuten, Marathoi eta Atenas artean. 42 kilometro.

Gizonak martxoaren 29an, ostiralean, lehiatu ziren. Revithi hurrengo egunean abiatu zen, bakarrik eta lehiaketatik kanpo. Hala ere, irteera ordua jarri zuen agiri batean, eta Marathoiko alkateak, epaileak eta irakasleak sinatu zuten. Beheko gona belaunetaraino jaso, eta korrika hasi zen. Bost ordu eta erdian iritsi zen Atenasera, Panathinaiko estadiora. Estadioan sartu nahi zuen, gizonek bezala, lasterketa han bukatzeko. Ez zioten utzi.

Emakumeak 1984an lehiatu ahal izan ziren lehen aldiz Jokoetako maratoian, Stamata Revithiren ahaleginetik 88 urtera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Saunders, atzo, podiumean, keinua egiten ©FRANCK ROBICHON / EFE

Saundersen keinua aztertzen ari da NOB

Igor Susaeta

Pisu jaurtiketako zilarrezko domina jasotzeko podiumean, besoak gurutzatu zituen buruaren gainean, «zapaldu guztiekin elkartasunez». NOBen arautegiaren arabera, Olinpiar Jokoetan debekatuta dago podiumean aldarrikapen keinuak egitea.

Camacho-Quinn, gaur, helmugan sartzen ©CRISTIAN BRUNA / EFE

Camacho-Quinn garaile 100 metroko hesidunean

Igor Susaeta

Olinpiar Joko batzuetan Puerto Ricok atletismoan lortutako aurreneko domina da.

Munarriz uztail hasieran, Benu Kopan Kroaziaren aurka jokatutako partidan. ©Tamas Kovacs / Efe

Munarrizek final-laurdenak jokatuko ditu

Igor Susaeta

Espainiako selekzioak 8-4 irabazi dio gaur Kroaziari, eta AEBak izango ditu aurkari kanporaketan.

Pena eta Hernandez, Olinpiar Jokoetako beste partida batean. ©EFE

Pena eta Hernandez, final-laurdenetatik kanpo

Igor Susaeta

Espainiako selekzioak 31-34 galdu du Errusiaren aurka

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.