Festa
Maskaradaren geltokia, Muskildi
Muskildin (Zuberoa) egingo du geldialdia gaur Mauleko gazteek antzezten duten maskaradak. Herriz herri ari dira Zuberoa zeharkatzen, udaberriari ongietorria kantu eta dantzen artean ematen, eta muskildiarren txanda izango da gaurkoan. Ohi bezala, goizean barrikadak egingo dituzte, eta herritarrek jarritako oztopoak gainditzen ibiliko dira, etxez etxe jaten eta edaten duten bitartean. Gero, 15:30etik aurrera egingo dute antzerki nagusia, herriko plazan. Arizaleak bi taldetan banatuko dira, eta gorrien eta beltzen emanaldia orduan hasiko da, ikusleen gozamenerako.
Iruzkinak
Ez dago iruzkinik
Ordenatu