'Set de Sang'

Existitzen dira katalanez abesten duten muturreko taldeak. Vidres a la Sang da horren erreferente. Etenaldi luze baten ostean itzuli dira Terrassakoak. Zortzi urteko isilunea Set de Sang laugarren disko paregabearekin hautsi dute. Iraganeko ohitura onak mantendu dituzte proposamena egokitzearekin batera. Miquel Marti i Pol idazlearen poemak musikatu dituzte, atmosfera bereziko death eta black metalarekin. Euskara hizkuntza gordina eta aproposa omen da metal doinuetarako. Baita katalana ere. Eloi Boucherie musikariaren erraietatik atera diren kantu berriak ederrak dira. Esaterako, Els vents bufen a favor, Mirare de no tornar-me a perdre eta El poble redemptor. Martxoaren erdialdean Portugaleten ariko dira zuzenean.