Musika. Sweeping Promises
'Hunger for a Way Out'
Diskoetxea: Feel It Records.
Lira Mondal eta Caufield Schnug musikariek Boston hirian eratutako post-punk egitasmoa da Sweeping Promises. Bi musikariek hamar urte inguruko ibilbidea egin dute elkarrekin jotzen hainbat taldetan. Bada, Hunger for a Way Out DIY filosofiari atxikitako proiektu berriaren estreinako lana da. Disko osoa idatzi, ekoitzi eta masterizatu du bikoteak; grabazioa mikro bakarreko teknika batekin egin omen da. Baterian, halaber, Spenser Gralla musikariaren laguntza izan du bikoteak. Horiek horrela, iaz entzun dudan disko txinpartatsuena da, indie-pop eta post-punk estiloen arteko uztarketa sutsutik sortutako hamar doinu biltzen baititu, DEVO eta Breeders fusionatuz.
Iruzkinak
Ez dago iruzkinik
Ordenatu