Artzain Eguna
Sektoreari bultzada emateko jaia
Iazko geldialdiaren ostean, Artzain Egunak ez du hutsik egingo igandean Amurrion (Araba). Goizean goizetik hasita, egitarau oparoa izango da herrian. Ardi latxaren lehiaketarekin ekingo dio egunak, 10:00etan. Ordu berean hasita, etxeko produktuak ikusi eta erosteko aukera izango da San Anton plazan. Urtero lez, omenaldia egingo zaie artzainei 11:30ean, Juan de Urrutia plazan;ondotik, gaztagintza erakusketa eta sari banaketa etorriko dira. Arratsaldean, beste ekitaldi garrantzitsu baten txanda helduko da: artzain txakur lehiaketa, 18:00etan hasita, Pikaza zelaiaren ondoan.
Iruzkinak
Ez dago iruzkinik
Ordenatu