Albistea entzun

'Irati' filmaren barrukoak erakutsiko ditu Ramon Agirrek BERRIAn

Edu Lartzanguren -

2022ko azaroak 3

Ramon Agirre aktoreak Paul Urkijok zuzenduriko Irati filmean egin du lan, eta grabaketan gertaturiko pasadizoak kontatuko ditu, gaurtik aurrera, BERRIAn, horretarako propio sorturiko blog batean. Grabazioan kaier bat aldamenean eduki du beti aktoreak, eta horretan idatziz joan da gertaturikoak, edo bere buruan ibilitako hausnarketak.

VIII. mendean eta nafar Pirinioetan gertatzen da filmeko istorioa, eta euskal mitologiako pertsonaiak dira protagonistetako batzuk, pertsonaia historikoekin nahastuta. Borroka eszena ugari ditu filmak, eta horrek grabatzean sorturiko ezusteak eta bestelakoak kontatuko ditu Agirrek, besteak beste. Apaizarena egiten du Agirrek filmean, eta latinezko esaldiak euskarazkoekin tartekatzen ditu.

Filma urriaren 9an estreinatu zuten Sitgesko jaialdian, eta bi sari handi jaso zituen: ikusleen saria eta efektu berezirik onenen saria.

Lehen ere, kaieren bidez kontatu izan ditu Agirrek bere lanean eginikoak eta hausnarturiko. Iaz, esaterako, La casa de papel telesaileko bosgarren sasoia grabatzen Madrilen bizi izandakoen berri eman zuen, orduan ere BERRIAn. Aktore izateaz gain, Agirre aritu izan da idazle gisa, batez ere antzerkirako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Besteez barre egiteari utzi behar diogu»

Unai Etxenausia

Konbentzituta dago Montalvo: arte eszenikoak ikuspegi feminista batetik abiatuz landu behar dira. Umorea feminismoarekin uztartzen duen formakuntza bat aurkeztuko du asteburuan, Ozetan.
Bego Viñuela kaligrafoa, <em>kaligrafia</em> hitza lumaz idazten, Bilboko bere estudioan. ©OSKAR MATXIN EDESA / FOKU
Jokin Etxeberria, <em>Muak</em>-en. ©MUAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...