Urte amaierako jaialdia

Bestelakoa da, ezinbestean, Iruñean antolatzen duten Santas Pascuas jaialdia, Gabonetan oro har kontzertu gutxi antolatu ohi baitira. Laugarren urtea du aurtengoa Nafarroako hiriburuan egiten dutena, eta, aurreko aldietan bezala, Euskal Herriko eta kanpoko artistak izango dira aurten ere.Hasteko, Eguberri egunean Carolina Durante arrakastatsuak, Anni B Sweet eta Melenas iruindarrak ariko dira, Zentralen. Hurrengo egunetan, German y la Alegria del Barrio, Morgan eta Gabi Planas, Antifan, Fernandocosta,Ravioli Makers, Tobogang, DJ Yamal, Holly Miranda, McEnroe, Aitor Etxebarria, Messura eta Quique Gonzalez ariko dira, besteak beste, hiriko hainbat lekutan. Gainera, Uxue Alberdi, El Niño de Elche eta Ernesto Castrorekin topaketak izango dira Katakrak liburu dendan.