Zentzumenen festa bat

Kritikak ozen txalotu zuen Chinook Wind lanetik bost urte igaro direnean plazaratu du Maika Makovski Mallorcako musikariak bere lan berria: MKMK. Orain arte egin bezala —zortzi disko ditu, azkena barne—, aurrez ibili gabeko bideetan sartu da Makovski horretan ere, eta etiketei ihes egiten dien zuzeneko bat prestatu dute: energia handiko proposamen koral bat, ospakizun girokoa eta gordina, aldi berean, entzuleak astindu eta baretu asmo duena, aldi berean hori ere.

Ahotsean, gitarran, pianoan, sintetizadoreetan eta baterian arituko da Makovski. Eta berdintsu, instrumentu ugaritan, oholtzakideak ere: Mariana Perez Abendaño (perkusioa, ahotsa, pianoa, bateria eta pandereta), Semion Bredikhin (bateria, ahotsa, sintetizadoreak, pianoa eta gitarra), Daniel Fernandez Romero (ahotsa eta baxua) eta Adrian Martinez Perez (ahotsa eta gitarra).