Instrumentu ez horren ohiko bati estu lotutako izena eta ibilbidea da Greg Izorrena: harmonikari atxikia. Vermont hirian sortua (AEB), New Orleans, Los Angeles, Austin eta beste hiri batzuetan ondu zuen souletik eta bluesetik edaten duen estilo propioa, eta mundu zabaleko hamaika txokotara heldu da azken urteetan kontzertuz kontzertu.
I was wrong eta Close to home bere lehen bi lanekin kritikaren harrera beroa eskuratu zuen, eta, besteak beste, «abeslari sortzailearen, harmonikoaren, konpositorearen eta showman figuraren arteko konbinazio perfektutzat» deskribatu zuten. Harmonikaren tradizioan sustraitu bai, baina hura modernizatzean lortu du distira musikariak, eta are bereizgarriagoa egiten duen ahots indartsuak eta haren zuzeneko energikoek ere borobildu dute haren proposamena.
Puntako aho-soinu jotzailetzat daukate askok, baita kantuen hitzen egile oso fintzat ere.
Musika. GREG IZOR
Aho soinuaren sustraiak eta aire berriak
Noiz: Gaur, 17:00etan. Non: Gasteizko Urban Rock Concept aretoan.
Iruzkinak
Ez dago iruzkinik
Ordenatu